दरसाव 2:1 - जीवन को च्यानणो (सेकावाटी नया नियम की पोथ्या)

¹ “इफिसुस की बिस्वासी मंडळी का मुखियानै मांड। अ बात बिकै कानिऊँ ह जखो सात्यु तारा आपका दाया हात म ले राख्या ह, अर सोना का सात्यु दिपदाना क बिचमै फिरै ह।

दरसाव 2:1 Referans Kwoze

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

दरसाव 1:16

अर बो आपका दाया हात म सात तारा ले राख्या हा। बिका मुंडाऊँ दोधारी तलवार बारनै निकळरी ही। अर बिकी सकल दोपारी का भळकता सूरज की जंय्यां ही।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

दरसाव 3:1

“सरदिस की बिस्वासी मंडळी का मुखियानै मांड। अ बाता बिकै कानिऊँ ह जिकै कनै परमेसर की सात आत्मा अर सात तारा हीं। म थारा करमानै जाणू हूँ। थे जिंदा तो बाजो हो पण हो मरेड़ा।

दरसाव 2:18

“थुआतिरा की बिस्वासी मंडळी का मुखियानै मांड। अ बाता परमेसर का बेटा कानिऊँ ह, जिकी आँख्या आग की लपटा की जंय्यां ह, अर पग चमकता काँसा की जंय्यां ह।

दरसाव 2:12

परगमुम की बिस्वासी मंडळी का मुखियानै मांड। अ बात बिकै कानिऊँ ह जिकै कनै पेनी दोधारी तलवार ह।

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

मत्ती 18:20

क्युं क जठै दो नहिस तीन मेरै नामनै लेबा ताँई भेळा होसी जणा म बठै बाकै सागै होस्युं।”

यहून्ना 5:35

यहून्ना तो बळता अर भळकता दिआ की जंय्यां हो अर थे थोड़ी देर बिका च्यानणा म राजी होबो चावा हा।

दरसाव 12:1

इकै पाछै आसमान म एक बडी सेलाणी परगट होई। मनै एक लूगाई दिखबा म आई बा सूरजनै धारण कर राखी ही अर चंदरमा बिकै पगा तळै हो। बिकै माथा प बारा तारा को ताज हो।

मत्ती 28:20

म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

भेजेड़ा चेला का काम 18:19

अर इफिसुस पुगर परसकीला अर अकविलानै बठैई छोडर खुद अरदास घर जार यहूदि मिनखाऊँ चरचा करबा लाग्यो।

भेजेड़ा चेला का काम 18:21

अर बो बाऊँ बिदा होर बोल्यो, “परमेसर चायो तो आपा ओज्यु मिलस्यां।” आ खेर बो इफिसुस छोडर पाणी का झाजऊँ कैसरिया गयो अर बठैऊँ यरूसलेम जार बठै की बिस्वासी मंडळीऊँ नमस्कार कर अंताकीया गयो।

भेजेड़ा चेला का काम 19:1

अपुलोस जद कुरन्थी म हो जणा पोलुस एसिया का मांयला परदेसा को दोरो कर इफिसुस पुग्यो। जठै बिनै क्युंक चेला मिल्या

2 कुरन्थीयो 6:16

परमेसर का मनदर को मूरत्याऊँ काँई नातो? क्युं क आपा खुदई जीवता परमेसर का मनदर हां, जंय्यां बो खुदई खयो हो, “म बामै रेह्ऊँ हूँ, बामै चालू फिरूँ हूँ। म बाको परमेसर हूँ, बे मेरा मिनख हीं।