दरसाव 19:3 - जीवन को च्यानणो (सेकावाटी नया नियम की पोथ्या)

³ बे ओज्यु जोरऊँ बोल्या, “हालेलुया! जुग-जुग ताँई बि बडी नगरीऊँ धुँओ उठतो रेह्सी।”

दरसाव 19:3 Referans Kwoze

दरसाव 18:18

अर जद बे बि नगरीनै बळता अर बिमऊँ धुँआ उठता देख्या जणा बे जोरऊँ बोल पड़्या, ‘के इ सऊँ बडी नगरी की जंय्यां कोई नगरी होई?’

दरसाव 18:9

“बिनै आग म बळता अर बिमऊँ धुँओ निकळतो देखर धरती का राजा जखा बिकै सागै कुकरम कर्या हा अर बिकै सागै भोगबिलास म भागी बण्या हा, बे बि ताँई बार घालसी अर छाती पिटसी।

दरसाव 14:11

बे जुग-जुग ताँई बिमै पिड़ा भोगसी। अर जखाबी मिनख बि जानबर अर बिकी मूरतीनै धोकसी अर बिका नाम की छाप लेसी बानै रात-दिन चेन कोनी मिलसी।”

दरसाव 19:1

इकै पाछै मनै ईस्बर नगरी म बोळासारा मिनखा को एकसागै हेलो सुण्यो, बे जोरऊँ बोलर्या हा, “हालेलुया! परमेसर की जे हो, जे हो! क्युं क छुटकारो, सक्‍ति अर मेमा बेई देवै ह।

यहूदा 1:7

परमेसर इजरायल का बा मिनखा अर बा ईस्बर नगरी दुता की जंय्यां, सदोम अर अमोरानै अर बिकै कनै की नगर्या का मिनखानै जखा कुकरम करता हा, अर बुरा कामा क गेल भागता हा, बानै कदैई नइ बुत्तबाळी आग म झोकर सजा दिनी। जिऊँ अ बाता ओरा ताँई सबक होवै।

दरसाव 19:4

बे चोबिस बडका अर च्यारू जीवता पराणी सिंघासन प बिराजमान परमेसर क धोक लगार गीत गाबा लाग्या, “हालेलुया! अंय्यांई होवै।”