दरसाव 19:20 - जीवन को च्यानणो (सेकावाटी नया नियम की पोथ्या)

²⁰ पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 19:20 Referans Kwoze

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 14:10

जणा बो परमेसर का परकोप की अँगूरी जखी बाकी झाळ हाळा प्याला म घाली गई ह, बिनै पिसी अर पबितर ईस्बर नगरी दुता क सामै अर उन्या क सामै आग अर तिजाब की पिड़ा भोगसी।

दरसाव 17:12

“अर जखा दस सींग तू देख्यो हो बे बी दस राजानै दिखावै ह, पण बानै इबी ताँई राजपाट कोनी मिल्यो, पण आनै बि खुखार ज्यानबर क सागै क्युं क टेम ताँई राज करबा को हक दिओ ज्यासी।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

दरसाव 19:19

इकै पाछै म बि खुखार ज्यानबरनै अर धरती प राज करबाळा राजानै देख्यो। बाकै सागै बाकी सेना ही। बे बि धोळा घोड़ा का सवार अर बिकी सेनाऊँ लड़बा ताँई एकजुट हा।

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

दरसाव 9:17

मनै बि दरसाव म बे घोड़ा अर बापै जखा सुवार हा बे दिखबा म आया, बाकी झिलम आग की जंय्यां लाल, तिजाब की जंय्यां पिळी अर गाडी निली ही। अर बाका घोड़ा का सीर नार की जंय्यां हा। अर बाका मुंडाऊँ आग, धुँआ अर तिजाब निकळरी ही।