दरसाव 19:19 - जीवन को च्यानणो (सेकावाटी नया नियम की पोथ्या)

¹⁹ इकै पाछै म बि खुखार ज्यानबरनै अर धरती प राज करबाळा राजानै देख्यो। बाकै सागै बाकी सेना ही। बे बि धोळा घोड़ा का सवार अर बिकी सेनाऊँ लड़बा ताँई एकजुट हा।

दरसाव 19:19 Referans Kwoze

दरसाव 16:16

बे ओपरी बलाय बा सगळा राजानै भेळा कर बि झघा लिआई जिनै इबरानी भासा म हरमगिदोन बोलै ह।

दरसाव 16:14

अ सेतानी ओपरी बलाय ही आकै मांयनै चमत्कार करबा की सक्‍ति ही। अ सगळा जगत का राजानै भेळा करबा ताँई चाल पड़ी जिऊँ अ सऊँ सक्‍तिसाली परमेसर का न्याय का दिन लड़ाई लड़ै।

दरसाव 18:9

“बिनै आग म बळता अर बिमऊँ धुँओ निकळतो देखर धरती का राजा जखा बिकै सागै कुकरम कर्या हा अर बिकै सागै भोगबिलास म भागी बण्या हा, बे बि ताँई बार घालसी अर छाती पिटसी।

दरसाव 14:9

बा दोनू ईस्बर नगरी दुता क गेलकी गेल तीसरो ईस्बर नगरी दुत आर उची उवाज म बोल्यो, “ज कोई इ डरावना जानबर अर इकी मूरतीनै धोकै अर इकी छापनै आपका माथा नहिस हात प लेवै,

दरसाव 11:7

जद बे परमेसर को हेलो मिनखा म पाड़ देसी जणा बो खुखार ज्यानबर जखो पताळ मऊँ निकळसी बाऊँ लड़र बानै मार गेरसी।

दरसाव 19:21

धोळा घोड़ा का सवार क मुंडाऊँ जखी तलवार निकळरी ही बिऊँ बाकी का सिपाई मार्या गया अर पंछी बाका मासनै खार आपको पेट भर्या।