दरसाव 19:11 - जीवन को च्यानणो (सेकावाटी नया नियम की पोथ्या)

¹¹ जणा म ईस्बर नगरीनै खुली देख्यो अर म बठै एक धोळो घोड़ो देख्यो, अर बिका सवारनै बिस्वास जोगा अर सच का नामाऊँ बुलायो जार्यो हो। बो सचाई क सागै न्याय अर युद करतो हो।

दरसाव 19:11 Referans Kwoze

दरसाव 6:2

म देख्यो क मेरै सामै एक धोळो घोड़ो ह अर बिपै जखो सुवार हो बो तिरख-बाण ले राखी ही। अर बिनै एक ताज पिरायड़ो हो अर बो जीतबाळा की जंय्यां जीतबानै बारनै चलेग्यो।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

दरसाव 4:1

इकै पाछै म देख्यो, ईस्बर नगरी म एक दरूजो खुल्यो। अर म ओज्यु नरसिंगा की सी उवाज सुणी जखी म पेली बी सुणी ही। बा उवाज मेरूँ बोली, “उपर आज्या, म तनै बे बाता दिखास्युं जखी आबाळा टेम म होबाळी ह।”

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

दरसाव 11:19

इकै पाछै परमेसर का मनदरनै जखो ईस्बर नगरी म ह बिनै खोल्यो गयो, अर मनै मनदर म करार हाळी पेटी दिखी। बिकै पाछै बिजळी को पळको आयो, बिजळी की कड़कबा की उवाज आई अर बादळ की गरजबा की उवाज होई, भूचाळ आयो अर ओळा बरसबा लाग्या।

यहून्ना 1:51

अर बो बाऊँ बोल्यो, “म थारूँ सच बोलर्यो हूँ, थे ईस्बर नगरीनै खुली अर परमेसर का ईस्बर नगरी दुतानै मिनख का बेटा क सामै आता-जाता देखस्यो।”

दरसाव 19:19

इकै पाछै म बि खुखार ज्यानबरनै अर धरती प राज करबाळा राजानै देख्यो। बाकै सागै बाकी सेना ही। बे बि धोळा घोड़ा का सवार अर बिकी सेनाऊँ लड़बा ताँई एकजुट हा।

दरसाव 19:21

धोळा घोड़ा का सवार क मुंडाऊँ जखी तलवार निकळरी ही बिऊँ बाकी का सिपाई मार्या गया अर पंछी बाका मासनै खार आपको पेट भर्या।