दरसाव 18:24 - जीवन को च्यानणो (सेकावाटी नया नियम की पोथ्या)

²⁴ परमेसर की खेबाळा को, अर बिका मिनखा को अर बा सगळा मिनखा को जानै इ धरती प बलि चढायो गयो हो, बाको लोय इ नगरी क माथै ह।”

दरसाव 18:24 Referans Kwoze

दरसाव 17:6

म बि लूगाईनै परमेसर का मिनखा का लोय अर ईसु मसी की गुवाई देबाळा मिनखा का लोय पीबा की बजेऊँ मतवाळी होता देख्यो। बिनै देखर मनै बोळो ताजूब होयो।

दरसाव 16:6

क्युं क अ मिनख थारा मिनखा अर परमेसर की खेबाळा को लोय भुआया हीं। थे बानै पीबानै लोय दिओ ह बे इ जोगाई ह।”

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

दरसाव 11:7

जद बे परमेसर को हेलो मिनखा म पाड़ देसी जणा बो खुखार ज्यानबर जखो पताळ मऊँ निकळसी बाऊँ लड़र बानै मार गेरसी।

मत्ती 23:35

इ ताँई थे हाबिलऊँ लेर बराखिया का बेटा जकरयाह ताँई जिनै थे मनदर अर बेदी क बिचमै मार्या हा जत्ता बी धरमी मिनखा की हत्या इ धरती प होई ह। बाकी सजा भोगस्यो।

मत्ती 23:27

“हे कपट्यो धिक्कार ह थार प, थे चुनाऊँ पोतेड़ी कबर की जंय्यां हो। बे बारनैऊँ तो सोवणी लागै ह पण बाकै मांयनै मुरदो सिडै़ ह।

1 थिसलूनिकी 2:15

जखा परबु ईसुनै अर परमेसर की खेबाळानै मार्या अर आपानै दिन घाल्या बाऊँ परमेसर बोळो नराज ह क्युं क बे सगळा क विरोध म हीं।