दरसाव 18:21 - जीवन को च्यानणो (सेकावाटी नया नियम की पोथ्या)

²¹ आ बाता क पाछै एक ताकतबर ईस्बर नगरी दुत चाकी का भाठा की जंय्यां की बडीसारी ढाड उठार बिनै समदर प फेकतो होयो बोल्यो, “आ बाबुल नगरी बी, इ भाठा की जंय्यां फेक दि ज्यासी, अर ओज्यु कदैई कोनी लाधसी।

दरसाव 18:21 Referans Kwoze

दरसाव 5:2

इकै पाछै म एक सक्‍तिसाली ईस्बर नगरी दुतनै देख्यो जखो जोरऊँ हेलो पाड़र्यो हो क, “इकी चेपीनै तोड़र इ कागदनै खोलबा जोगो कूण ह?”

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

दरसाव 18:22

अर नइ तेरै मांय ओज्यु कदै, कोई बीणा, बंसरी, तूताड़ी की धुन सुणबा म आसी। अर नइ तेरै मांय ओज्यु कदै कोई कलाकारी करबाळो कारिगर मिलसी, अर नइ चाकी चालबा की उवाज सुणबा म आसी।

दरसाव 16:20

सगळा टापू लापता होगा। एक डूँगर बी नजर कोनी आर्यो हो।

दरसाव 12:8

पण बो अजगर बानै हरा कोनी सक्यो, जिऊँ ईस्बर नगरी म बिकी झघा कोनी बची।

दरसाव 18:10

बे बिकी आ दुरगती देखर डर का मार्या दूर खड़्या बार घालसी, “ ‘सऊँ बडी नगरी तेरै प हाय, बाबुल सक्‍तिसाली नगरी, देखो! घड़ी भर मई तेर प स्यामत आ पड़ी।’

दरसाव 10:1

इकै पाछै, म ईस्बर नगरीऊँ एक ताकतबर ईस्बर नगरी दुतनै तळै उतरता देख्यो। बिकै च्यारूमेर बादळ हा। बिकै सीर क कनै मेघ धनुस हो। बिको मुंडो सूरज की जंय्यां चमकर्यो हो अर बिका पग आग का खम्बा की जंय्यां हा।