दरसाव 18:16 - जीवन को च्यानणो (सेकावाटी नया नियम की पोथ्या)

¹⁶ बार घालसी, “ ‘हाय इ सऊँ बडी नगरी प, जखी पेल्या मलमल, बैंगणी, अर सिलक का गाबा पेर्या करती अर सोना, हिरा अर मोत्याऊँ सज्या करती ही।

दरसाव 18:16 Referans Kwoze

दरसाव 17:4

बा लूगाई लाल रंग का बैंगणी गाबा पेरमाली ही। बा हिरा मोत्याऊँ, सोना, चाँद्‍याऊँ खुदको सिंगार करमाली ही। बिकै हात म सोना को प्यालो हो बो प्यालो सूगली बाताऊँ अर कुकरम की चिजाऊँ भरेड़ो हो।

दरसाव 18:19

बे आपकै उपर धूळ गेरता अर बार-घोड़ो मचाता बोलबा लाग्या, “ ‘हाय इ सऊँ बडी नगरी प, जिकी जायजादऊँ समदर म झाज चलाबाळा पिसाळा बणग्या। पण देखो! बा घड़ी भर मई नास होगी।’

दरसाव 17:3

जणा बो दुत पबितर आत्मा म मनै उजाड़ म लेगो। बठै म एक लूगाईनै लाल रंग का खुखार ज्यानबर प बेठी देख्यो। बि जानबर क उपर परमेसर की बुराई करबाळा नाम मंडर्या हा। बिकै सात सीर अर दस सींग हा।

दरसाव 18:18

अर जद बे बि नगरीनै बळता अर बिमऊँ धुँआ उठता देख्या जणा बे जोरऊँ बोल पड़्या, ‘के इ सऊँ बडी नगरी की जंय्यां कोई नगरी होई?’