दरसाव 18:11 - जीवन को च्यानणो (सेकावाटी नया नियम की पोथ्या)

¹¹ “इ धरती प लेणदेण करबाळा बि ताँई बार घालसी अर छाती पिटसी क्युं क बाका मालनै इब कोई मोल कोनी लेसी,

दरसाव 18:11 Referans Kwoze

दरसाव 18:3

क्युं क सगळा देस, बिका कुकरम की झाळ भरी अँगूरी पी। इ धरती का सगळा राजा बिकै सागै कुकरम कर्या , अर इ धरती का सगळा लेणदेण करबाळा, बिकी भोगबिलास की बजेऊँ पिसाळा होगा।”

दरसाव 18:23

तेरै मांयनै दिआ को च्यानणो ओज्यु कदैई कोनी जगमगासी, अर नइ ओज्यु तेरै मांयनै, बिंद बिनणी को हेलो सुणबा म आसी। क्युं क तेरा लेणदेण करबाळा व्यापारी धरती का मुखिया हा। अर तेरा जादू टोणाऊँ, सगळा देसा का मिनखानै भटकायो गयो हो।

दरसाव 18:20

हे ईस्बर नगरी, हे परमेसर का मिनखो, भेजेड़ा चेला अर परमेसर की खेबाळो राजी होओ, क्युं क परमेसर बिको न्याय कर थारो बदलो लिओ ह।”

दरसाव 18:15

बे लेणदेण करबाळा जखा आ चिजानै बेचर पिसाळा बणगा हा, बे बिकी आ दुरगती देखर रोता बिलखता अर डर का मार्या दूर खड़्या होर,

दरसाव 18:9

“बिनै आग म बळता अर बिमऊँ धुँओ निकळतो देखर धरती का राजा जखा बिकै सागै कुकरम कर्या हा अर बिकै सागै भोगबिलास म भागी बण्या हा, बे बि ताँई बार घालसी अर छाती पिटसी।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

मत्ती 22:5

जद जार बे दास बानै खया जणा बे बाकी बाता प गोर कोनी दिआ। अर आप-आपका खेत म अर काम-धंधा प चलेग्या।

यहून्ना 2:16

अर कबूतर बेचबाळानै बोल्यो, “आनै लेर अठैऊँ चल्या जाओ। मेरा परम-पिता का घरनै बजार बणाबा की थारी हिमत कंय्यां होई?”