दरसाव 18:1 - जीवन को च्यानणो (सेकावाटी नया नियम की पोथ्या)

¹ इकै पाछै म एक ओर ईस्बर नगरी दुतनै ईस्बर नगरीऊँ तळै उतरता देख्यो। जिकै कनै बडो अधिकार हो, बिकै मांयनै अंय्यां को मेमा को तेज हो जिऊँ सगळी धरती प च्यानणो होगो हो।

दरसाव 18:1 Referans Kwoze

लूका 17:24

क्युं क जंय्यां बिजळी अकास का एक कूणा म चमक सगळा अकासनै चमका दे ह, बंय्यांई मिनख को बेटो आपका दिन म होसी जि दिन बो आसी।

दरसाव 21:23

नगरीनै सूरज अर चाँद की जुर्त कोनी ही क्युं क बा परमेसर की मेमा का च्यानणाऊँ चमकरी ही अर उन्यो नगरी को दिओ हो।

दरसाव 17:1

इकै पाछै सात ईस्बर नगरी दुता मऊँ जाकै कनै सात प्याला हा, एक मेरै कनै आर बोल्यो, “अठै आ, म तनै बि सऊँ बडी बेस्यानै सजा भोगता दिखास्युं जखी बोळी नद्‍या क किनारै बेठी ह।

दरसाव 10:1

इकै पाछै, म ईस्बर नगरीऊँ एक ताकतबर ईस्बर नगरी दुतनै तळै उतरता देख्यो। बिकै च्यारूमेर बादळ हा। बिकै सीर क कनै मेघ धनुस हो। बिको मुंडो सूरज की जंय्यां चमकर्यो हो अर बिका पग आग का खम्बा की जंय्यां हा।

2 थिसलूनिकी 2:8

जणा पाछै परमेसर का नियम कायदानै तोड़बाळो परगट होसी। बिनै परबु ईसु आर आपकी मोजूदगी का च्यानणाऊँ अर फूंकऊँ नास कर देसी।

दरसाव 17:7

जणा बो ईस्बर नगरी दुत मेरूँ बोल्यो, “तू ताजूब क्युं करै ह? म तनै इ लूगाई अर जि सात सीर अर दस सींग हाळा खुखार ज्यानबर प आ बेठी ह बिको भेद बतास्युं।