दरसाव 17:8 - जीवन को च्यानणो (सेकावाटी नया नियम की पोथ्या)

⁸ जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

दरसाव 17:8 Referans Kwoze

दरसाव 17:11

अर बो खुखार ज्यानबर जखो पेला जिंदो हो, पण इब कोनी, बो खुद आठूओ राजा ह ओ बा सात्यु राजा की जंय्यांई बुरो होसी अर, इको बी नास कर दिओ जासी।

दरसाव 11:7

जद बे परमेसर को हेलो मिनखा म पाड़ देसी जणा बो खुखार ज्यानबर जखो पताळ मऊँ निकळसी बाऊँ लड़र बानै मार गेरसी।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

दरसाव 3:5

जखो जीतै ह बो बाकी जंय्यां ह जखा धोळा गाबा पेरै ह। म जीवन की पोथी मऊँ बिको नाम कोनी बुझाणू, पण बिका नामनै परम-पिता अर ईस्बर नगरी दुता क सामै परगट करस्युं क बो मेरो ह।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

दरसाव 20:12

इकै पाछै म छोटाऊँ लेर बडा ताँई का सगळा मरेड़ा मिनखानै देख्यो। बे बि सिंघासन क सामै खड़्या हा , जणा क्युंक पोथ्या खोली गई। आकै पाछै एक ओर पोथी खोली गई, जखी जीवन की पोथी ह। अर बाका करमा गेल जखा इ पोथी म मांड्या गया हा, मरेड़ा को न्याय कर्यो गयो।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

दरसाव 20:15

अर जिको बी नाम जीवन की पोथी म मांडेड़ो कोनी मिल्यो बिनै बी इ आग का कूंड म गेर दिओ गयो।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

भेजेड़ा चेला का काम 15:18

परबु बोलै ह क, म अ बाता बोळी पेल्याऊँई बता दिनी ही।’”

1 पतरस 1:20

बिनै इ सरस्टि की रचना होबा क पेल्याई टाळ लिओ गयो हो, पण थारा भला ताँई आ आखरी दिना म बिनै परगट कर्यो गयो।

लूका 8:31

बे ईसु क सामै हात जो'ड़र बोली क, “म्हानै पताळ म मना भेजै।”

लूका 10:20

पण इ बात प राजी मना होवो की ओपरी बलाया थारै बळ म ह पण इ बात प राजी होवो की थारा नाम ईस्बर नगरी म मंडर्या हीं।”

दरसाव 17:2

बिकै सागै धरती का राजा कुकरम कर्या, अर धरती प रेह्बाळा बिकी कुकरम की अँगूरीऊँ मतवाळा होगा हा।”