दरसाव 17:15 - जीवन को च्यानणो (सेकावाटी नया नियम की पोथ्या)

¹⁵ बो ईस्बर नगरी दुत मेरूँ ओज्यु बोल्यो, “तू जखी नद्‍या देखी ही जाकै किनारै बा सऊँ बडी बेस्या बेठी ही, बे नद्‍या सगळा कूणबा का मिनखानै, सगळी बोली बोलबाळानै, देस-देस का मिनखानै, सगळा देसानै दिखावै ह।

दरसाव 17:15 Referans Kwoze

दरसाव 17:1

इकै पाछै सात ईस्बर नगरी दुता मऊँ जाकै कनै सात प्याला हा, एक मेरै कनै आर बोल्यो, “अठै आ, म तनै बि सऊँ बडी बेस्यानै सजा भोगता दिखास्युं जखी बोळी नद्‍या क किनारै बेठी ह।

दरसाव 11:9

धरती का सगळा देसा का मिनखा मऊँ, सगळी बोली बोलबाळा मऊँ अर सगळा कूणबा का मिनखा मऊँ क्युंक मिनख बाकी लासनै साडे तीन दिना ताँई देखसी पण बे बाकी लासनै कबर म कोनी धरबा देसी।

दरसाव 10:11

जणा मेरूँ बोल्यो गयो, “तनै परमेसर को समचार सगळा देसानै, सगळा राजानै, सगळी बोली बोलबाळा मिनखानै सुणाणो ह।”

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।