दरसाव 17:1 - जीवन को च्यानणो (सेकावाटी नया नियम की पोथ्या)

¹ इकै पाछै सात ईस्बर नगरी दुता मऊँ जाकै कनै सात प्याला हा, एक मेरै कनै आर बोल्यो, “अठै आ, म तनै बि सऊँ बडी बेस्यानै सजा भोगता दिखास्युं जखी बोळी नद्‍या क किनारै बेठी ह।

दरसाव 17:1 Referans Kwoze

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

दरसाव 16:19

अर बडी नगरी का तीन टुकड़ा होगा, अर पापी मिनखा की सगळी नगर्या नास होगी। परमेसर बाबुल नगरीनै सजा देबा ताँई याद कर्यो जिऊँ क बो बिनै आपका परकोपऊँ भरेड़ो अँगूरी को प्यालो पिलावै।

दरसाव 21:9

इकै पाछै बा सात्यु ईस्बर नगरी दुता मऊँ जाकै कनै सात म्हामारीऊँ भरेड़ा प्याला हा एक जणो आगै आर मेरूँ बोल्यो, “अठै आ, म तनै बा बनड़ी दिखास्युं जखी उन्या की बिनणी ह।”

दरसाव 15:1

इकै पाछै म ईस्बर नगरी म एक ओर ताजूबभरी निसाणी देखी, इबकै म देख्यो क सात ईस्बर नगरी दुत आखरी सात म्हामार्या क सागै हा। क्युं क आकै होबा क सागैई परमेसर को परकोप बी पूरो होज्यासी।

दरसाव 21:15

जखो ईस्बर नगरी दुत मेरूँ बतळार्यो हो बिकन नगरीनै, बिका बारनानै, अर दिवारनै नापबा ताँई सोना की डंडी ही।

दरसाव 4:1

इकै पाछै म देख्यो, ईस्बर नगरी म एक दरूजो खुल्यो। अर म ओज्यु नरसिंगा की सी उवाज सुणी जखी म पेली बी सुणी ही। बा उवाज मेरूँ बोली, “उपर आज्या, म तनै बे बाता दिखास्युं जखी आबाळा टेम म होबाळी ह।”

लूका 24:32

जणा बे आपसरी म बतळाबा लागगा, “बो गेला म जद आपणाऊँ बातचित कर्यो हो। अर आपानै सास्तर की बाता समजार्यो हो। बि टेम आपणा मन म जोस पैदा कोनी होर्यो हो के?”

लूका 9:30

अर बठै दो जणा परमेसर का परताब क सागै परगट होया जिमैऊँ एक मूसा अर दुसरो एलिआ हो। बे ईसु की मोत क बारां म ईसुऊँ बतळार्या हा जिनै बो परमेसर की मरजी यरूसलेम म पूरी करबाळो हो।

दरसाव 1:1

इ पोथी म बे बाता मांडी गई जखी ईसु मसी दरसाव क जरिए बताई ह। अ बाता ईसु मसीनै परमेसर बताई ह जिऊँ बो आपका दासानै, दरसावा क जरिए बतावै क आबाळा टेम म काँई होबाळो ह। ईसु मसी आपका ईस्बर नगरी दुतनै यहून्ना क कनै भेजर अ बाता बताई।

दरसाव 18:1

इकै पाछै म एक ओर ईस्बर नगरी दुतनै ईस्बर नगरीऊँ तळै उतरता देख्यो। जिकै कनै बडो अधिकार हो, बिकै मांयनै अंय्यां को मेमा को तेज हो जिऊँ सगळी धरती प च्यानणो होगो हो।

दरसाव 19:9

जणा बो ईस्बर नगरी दुत मेरूँ बोल्यो, “अंय्यां मांड: बे मिनख भागहाळा हीं जखा उन्या का ब्या की मेळ म नूत्या गया हीं।” बो ओज्यु बोल्यो, “अ बचन परमेसर का सचा बचन हीं।”