दरसाव 16:6 - जीवन को च्यानणो (सेकावाटी नया नियम की पोथ्या)

⁶ क्युं क अ मिनख थारा मिनखा अर परमेसर की खेबाळा को लोय भुआया हीं। थे बानै पीबानै लोय दिओ ह बे इ जोगाई ह।”

दरसाव 16:6 Referans Kwoze

दरसाव 11:18

देस-देस का मिनख झाळ्या म भर्या पड़्या हा। थे झाळ्या भर्या , पण इब थारो न्याय करबा को टेम आगो, जिऊँ मरेड़ा को न्याय कर्यो जावै। अर तेरा मिनखा को, थारी खेबाळा को अर बाको जखा थारा नाम को डर मान्या करता हा बदलो लिओ जावै। बानै फळ दिओ जावै अर जखा धरतीनै खराब कर्या हीं बाको नास कर्यो जावै।”

दरसाव 18:24

परमेसर की खेबाळा को, अर बिका मिनखा को अर बा सगळा मिनखा को जानै इ धरती प बलि चढायो गयो हो, बाको लोय इ नगरी क माथै ह।”

दरसाव 13:15

बि दुसरा डरावना जानबरनै बि मूरती म पिराण गेरबा की सक्‍ति दि गई ही। जिऊँ बा बोल सकै। अर जत्ता बी मिनख बि मूरतीनै नइ धोकै बानै मार दिओ ज्यासी।

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

दरसाव 13:10

“जिनै केद म जाणो ह, बो केद म ज्यासी, जिनै तलवारऊँ मार्यो ज्यासी, बो तलवारऊँ मरसी।” इमई परमेसर का मिनखानै थ्यावस अर बिस्वास राखबा की जुर्त ह।

दरसाव 18:20

हे ईस्बर नगरी, हे परमेसर का मिनखो, भेजेड़ा चेला अर परमेसर की खेबाळो राजी होओ, क्युं क परमेसर बिको न्याय कर थारो बदलो लिओ ह।”

इबरानीआ 10:29

जणा थे सोचो बो कत्ती सजा भोगसी जखो आपका पगा तळै परमेसर का बेटानै चिथ्यो, अर बि नया करार का लोयनै जखो बिनै पबितर कर्यो हो सूगलो जाण्यो, अर दया करबाळी पबितर आत्मा को अनादर कर्यो।

मत्ती 7:2

क्युं क थारो बी फेसलो बंय्यांई कर्यो जासी, जंय्यां थे न्याय करबाळी टेम दुसरा मिनखा क सागै करो हो। अर जि नापऊँ थे दुसरा ताँई नापो हो बि नापऊँई थारै ताँई बी नाप्यो ज्यासी।

लूका 12:48

अर जखो दास मार खाबा को काम कर्यो पण मालिक की इंछ्याऊँ अणजाण हो बिकै थोड़ी मारई पड़सी। जणाई तो म बोलुँ हूँ जिनै घणो दे राख्यो ह बिऊँ घणो माँगसी, अर जिनै बोळो सूप राख्यो ह बिऊँ बोळो लेसी।