दरसाव 16:19 - जीवन को च्यानणो (सेकावाटी नया नियम की पोथ्या)

¹⁹ अर बडी नगरी का तीन टुकड़ा होगा, अर पापी मिनखा की सगळी नगर्या नास होगी। परमेसर बाबुल नगरीनै सजा देबा ताँई याद कर्यो जिऊँ क बो बिनै आपका परकोपऊँ भरेड़ो अँगूरी को प्यालो पिलावै।

दरसाव 16:19 Referans Kwoze

दरसाव 18:5

क्युं क बिको पाप को घड़ो भरगो ह, अर परमेसरनै बिका करेड़ा पाप याद ह।

दरसाव 18:10

बे बिकी आ दुरगती देखर डर का मार्या दूर खड़्या बार घालसी, “ ‘सऊँ बडी नगरी तेरै प हाय, बाबुल सक्‍तिसाली नगरी, देखो! घड़ी भर मई तेर प स्यामत आ पड़ी।’

दरसाव 17:18

जखी लूगाईनै तू देख्यो हो आ बि बडी नगरीनै दिखावै जखी धरती का देस-देस प राज करै ह।”

दरसाव 18:21

आ बाता क पाछै एक ताकतबर ईस्बर नगरी दुत चाकी का भाठा की जंय्यां की बडीसारी ढाड उठार बिनै समदर प फेकतो होयो बोल्यो, “आ बाबुल नगरी बी, इ भाठा की जंय्यां फेक दि ज्यासी, अर ओज्यु कदैई कोनी लाधसी।

दरसाव 18:2

बो जोरको हेलो देर बोल्यो, “ ‘नास हो नास हो! बाबुल नगरी को नास हो!’ आ नगरी सगळी ओपरी बलाया को, सूगला पंछ्या अर सूगला जानबरा को अडो बणगी ह।

दरसाव 17:5

बिकै माथा प नाम मंडर्यो हो जखो एक भेद हो , सऊँ बडी नगरी बाबुल बेस्या अर सूगली चिजा की माँ

दरसाव 11:8

बाकी लास बी बडी नगरी का चोराया प म्हेलदि ज्यासी। इ नगरीनै बिकी बुराई क चलतै सदोम अर मिसर का नामऊँबी बुलायो जावै ह। आ बाई नगरी ह जठै बाका परबुनै सुळी प चढायो गयो हो।

दरसाव 17:1

इकै पाछै सात ईस्बर नगरी दुता मऊँ जाकै कनै सात प्याला हा, एक मेरै कनै आर बोल्यो, “अठै आ, म तनै बि सऊँ बडी बेस्यानै सजा भोगता दिखास्युं जखी बोळी नद्‍या क किनारै बेठी ह।