दरसाव 16:17 - जीवन को च्यानणो (सेकावाटी नया नियम की पोथ्या)

¹⁷ इकै पाछै सातुओ ईस्बर नगरी दुत आपको प्यालो भाळ प उंदका दिओ, अर मनदर का सिंघासनऊँ जोरको हेलो सुणाई दिओ, “सक्यु पूरो होगो!”

दरसाव 16:17 Referans Kwoze

दरसाव 21:6

बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

यहून्ना 19:30

ईसु बा खाटी अँगूरी चांखबा क पाछै बोल्यो, “पूरो होयो।” जणा बे आपकी नाड़ गेर दि अर पिराण तज दिआ।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

इफिसुस 6:12

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।

दरसाव 16:1

जणा म सुण्यो क बा सात्यु ईस्बर नगरी दुतानै मनदर मऊँ कोई जोरको हेलो देर बोल्यो, “जाओ, अर परमेसर का परकोपऊँ भरेड़ा आ सात्यु प्यालानै धरती प उंदकाद्‍यो।”

दरसाव 14:17

बिकै पाछै ईस्बर नगरी म जखो बडो मनदर ह बिमऊँ एक ओर ईस्बर नगरी दुत बारनै आयो बिकन बी पेनो हसियो हो।

दरसाव 14:15

जदई एक ओर ईस्बर नगरी दुत मनदर क मांयनैऊँ बारनै आयो अर बो बिऊँ जखो बादळ प बेठ्यो हो जोरऊँ हेलो देर बोल्यो, “हसियो चलार लावणी करले क्युं क लावणी की टेम आगी ह। अर धरती की फसल पकगी ह।”

दरसाव 11:19

इकै पाछै परमेसर का मनदरनै जखो ईस्बर नगरी म ह बिनै खोल्यो गयो, अर मनै मनदर म करार हाळी पेटी दिखी। बिकै पाछै बिजळी को पळको आयो, बिजळी की कड़कबा की उवाज आई अर बादळ की गरजबा की उवाज होई, भूचाळ आयो अर ओळा बरसबा लाग्या।

दरसाव 11:15

सातुओ ईस्बर नगरी दुत जद तूताड़ी फूंकी जणा ईस्बर नगरीऊँ जोरको हेलो आयो, “इब इ धरती प परबु अर बिका मसी को राज ह, अर बो जुग-जुग ताँई राज करसी।”