दरसाव 16:10 - जीवन को च्यानणो (सेकावाटी नया नियम की पोथ्या)

¹⁰ बिकै पाछै पाचवो ईस्बर नगरी दुत आपको प्यालो बी डरावना जानबर का सिंघासन प उंदका दिओ, जिऊँ बिका राजपाट म अँधकार छागो। पिड़ा क मार्या मिनख आपका दांताऊँ आपकी जीब काट ली।

दरसाव 16:10 Referans Kwoze

दरसाव 9:2

अर बो पताळनै खोल्यो, बिकै मांयनैऊँ भटा की जंय्यां धुँआ आयो, अर बि धुँआऊँ सूरज अर आसमान काळो पड़गो।

मत्ती 8:12

पण जखी पिडीनै राज मिलबाळो हो बिनै अँधेरा म गेर दिओ ज्यासी जठै रोबो अर दांत पिसबो होसी।”

दरसाव 18:23

तेरै मांयनै दिआ को च्यानणो ओज्यु कदैई कोनी जगमगासी, अर नइ ओज्यु तेरै मांयनै, बिंद बिनणी को हेलो सुणबा म आसी। क्युं क तेरा लेणदेण करबाळा व्यापारी धरती का मुखिया हा। अर तेरा जादू टोणाऊँ, सगळा देसा का मिनखानै भटकायो गयो हो।

दरसाव 17:17

क्युं क परमेसर आपकी बातनै पूरी करबा ताँई बाकै मन म अंय्यां करसी अर बानै एक मन होर अंय्यां करबा ताँई उकसासी जिऊँ बे आपकी सक्‍ति अर आपको अधिकार बि खुखार ज्यानबरनै दे देसी।

मत्ती 22:13

बिनै चुपचालो देखर राजा आपका दासानै ओडायो, ‘इका हात पगानै बांदके बारनै अँधेरा म फेक द्‍यो जठै ओ दांत पिससी अर बार घालसी।’”

दरसाव 18:21

आ बाता क पाछै एक ताकतबर ईस्बर नगरी दुत चाकी का भाठा की जंय्यां की बडीसारी ढाड उठार बिनै समदर प फेकतो होयो बोल्यो, “आ बाबुल नगरी बी, इ भाठा की जंय्यां फेक दि ज्यासी, अर ओज्यु कदैई कोनी लाधसी।

लूका 13:28

थे अब्राहम, इसाक, याकूब अर दुसरा परमेसर की खेबाळानै परमेसर का राज म देखस्यो। पण थानै बठैऊँ बारनै काड्यो जासी जठै रोबो अर दांत पिसबो होसी।

मत्ती 24:51

बो आर बिनै भेंकर सजा देसी अर बिको भाग कपट्या क सागै गिणसी जठै रोबो अर दांत पिसणो पड़सी।

दरसाव 17:9

“अठै समजबाळी अर ज्ञान की बात कह्यी गई ह। अ सात सीर सात डूँगरानै दिखावै ह, जापै बा लूगाई बेठी ह।

मत्ती 13:50

अर पाप्यानै आग का कूंड म गेर दिओ ज्यासी जठै रोबो अर दांत पिसबो होसी।”

मत्ती 13:42

बानै भेळा कर आग का कूंड म गेर दिओ ज्यासी जठै रोबो अर दांत पिसबो होसी।

दरसाव 18:2

बो जोरको हेलो देर बोल्यो, “ ‘नास हो नास हो! बाबुल नगरी को नास हो!’ आ नगरी सगळी ओपरी बलाया को, सूगला पंछ्या अर सूगला जानबरा को अडो बणगी ह।

दरसाव 11:10

जद धरती का परमेसर को कह्यो नइ मानबाळा मिनख बाकी मोत प राजी होर त्युंहार मनासी। बे एक दुसरानै भेंट भेजसी, क्युं क बे दोनू परमेसर की खेबाळा धरती का परमेसर का कह्या नइ मानबाळा मिनखानै सताया अर बापै विपदा ल्याया हा।

दरसाव 11:8

बाकी लास बी बडी नगरी का चोराया प म्हेलदि ज्यासी। इ नगरीनै बिकी बुराई क चलतै सदोम अर मिसर का नामऊँबी बुलायो जावै ह। आ बाई नगरी ह जठै बाका परबुनै सुळी प चढायो गयो हो।

दरसाव 11:2

पण मनदर क बाड़ क बारै की झघानै मना नापजे, क्युं क ओ परमेसरनै नइ ध्यारबाळा मिनखानै ताँई ह। बे बयाळिस म्हेना ताँई पबितर नगरीनै पगाऊँ चिथसी।

1 पतरस 2:17

सगळा मिनखा की ईज्जत करो, बिस्वासी भायाऊँ भाईचारो अर प्यार-परेम राखो, परमेसर को मान करो अर राजानै ईज्जत द्‍यो।

दरसाव 8:12

जद चोथो ईस्बर नगरी दुत जंय्यांई तूताड़ी फूंकी जणा एक तिहाई सूरज, चाँद अर तारा प विपदा आई। अर बाको एक तिहाई भाग काळो होगो जिकी बजेऊँ एक तिहाई दिन अर रात म अँधेरो छागो।