दरसाव 15:2 - जीवन को च्यानणो (सेकावाटी नया नियम की पोथ्या)

² इकै पाछै मनै काच की जंय्यां को समदर दिख्यो बो अंय्यां दिखै हो जंय्यां क बिकै मांयनै आग बळरी हो। जखा मिनख बि डरावना जानबर की मूरती अर बिका नाम का आंकऊँ जीतगा हा बानै बी काच का समदर क सारै खड़्या देख्या। बे परमेसर की देयड़ी बीणा ले राखी ही

दरसाव 15:2 Referans Kwoze

दरसाव 4:6

अर बि सिंघासन क सामै सिसा की जंय्यां दिखबाळो समदर हो। अर बि समदर क बिचमै अर सिंघासन क च्यारूमेर च्यार जीवता पराणी हा बाकै आगै-पिछै आँख्याई आँख्या ही।

दरसाव 12:11

बे उन्या का लोयऊँ अर खुदकी गुवाईऊँ, बिपै जीत हासिल करी। बे आपका पिराणानै बी प्यारा कोनी जाण्या अर मोतनै बी गळै लगा लिआ।

दरसाव 5:8

अर जद बो बि कागदनै ले लिओ जणा बे च्यारू जीवता पराणी अर बे चोबिस बडका बि उन्या क धोक खाई। बा सगळा क कनै विणा ही अर बे सुगंद देबाळी चिजाऊँ भरेड़ा सोना का प्याला ले राख्या हा, अ परमेसर का मिनखा की अरदासनै दिखावै ह।

दरसाव 21:18

बि नगरी की दिवारनै हिरा मोत्याऊँ अर सिसा की जंय्यां चमकबाळा खरा सोनाऊँ बणायो गयो हो।

1 पतरस 1:7

ओ इ ताँई होयो जिऊँ थारो बो बिस्वास जखो आग म ताईड़ा नास होबाळा सोनाऊँ बी मेंगो ह। जखो ईसु मसी क परगट होबाळा दिन थारै ताँई बडाई, मेमा अर ईज्जत को कारण होसी।

मत्ती 3:11

म तो थानै पाणी को बतिस्मो द्‍युँ हूँ, जिऊँ ओ बेरोपाट सकै क थे थारा पापऊँ तौबा कर लिआ हो। पण जखो मेरै पाछै आबाळो ह बो मेरूँ बोळो म्हान ह; म तो बिकाळा जूता का सळू खोलबा जोगोई कोनी। बो थानै आग अर पबितर आत्मा को बतिस्मो देसी।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

1 पतरस 4:12

ओ मेरा लाडलो, थारो बिचास्यो जाबो लाय प चालबा की जंय्यां ह, पण थे इऊँ ताजूब मना करो क थारै सागै क्युं अनोरो होर्यो ह।

दरसाव 13:1

जणा म समदर क मांयनैऊँ एक खुखार ज्यानबरनै बारनै निकळता देख्यो। बिकै दस तो सींग अर सात सीर हा। अर बिकै सींगा प दस ताज हा। बिका हरेक माथा प परमेसर की बुराई करबाळा नाम मंडर्या हा।

दरसाव 13:17

अर जिकै बी बा छाप कोनी होती बे नइ तो क्युं मोल ले सका हा अर नइ बेच सका हा। आ छाप बि डरावना जानबर को नाम अर बिको आंक ह।