दरसाव 14:6 - जीवन को च्यानणो (सेकावाटी नया नियम की पोथ्या)

⁶ इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।

दरसाव 14:6 Referans Kwoze

मरकुस 16:15

जणा पाछै ईसु बानै ओडायो, “थे सगळा जगत म जार चोखा समचार को हेलो द्‍यो।

दरसाव 8:13

जणा म आसमान म एक बाजनै उडता देख्यो अर बो जोरकी उवाज म बोलर्यो हो, “इबी तो तीन ईस्बर नगरी दुता को तूताड़ी फूंकबो बाकी ह इ ताँई धरती प रेह्बाळा मिनखा प हाय! हाय! हाय!”

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

दरसाव 13:7

बिनै ओ अधिकार दिओ गयो क बो परमेसर का मिनखाऊँ लड़र जीतै। अर बिनै धरती का सगळा कूणबा प, मिनखा प, सगळी बोली बोलबाळा प, अर सगळा देसा प अधिकार दिओ गयो हो।

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

मत्ती 10:27

इ ताँई म जोक्यु बी थानै अँधेरा म बोल्यो हूँ थे बिनै दिन का च्यानणा म जोरऊँ बोलो अर जखी बाता म थानै ओला म खेऊँ हूँ बाको थे कोठा प चढर हेलो पाड़ो।”

दरसाव 10:11

जणा मेरूँ बोल्यो गयो, “तनै परमेसर को समचार सगळा देसानै, सगळा राजानै, सगळी बोली बोलबाळा मिनखानै सुणाणो ह।”

1 पतरस 1:25

पण परबु को बचन सदाई बण्यो रेह्सी।” अर ओई बचन चोखो समचार ह जखो थानै सुणायो गयो ह।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

दरसाव 10:7

पण जद सातुओ ईस्बर नगरी दुत को तूताड़ी फूंकबा को टेम आसी बि दिन परमेसर का बे भेद पूरा होसी जिनै बे आपका दासा अर परमेसर की खेबाळानै बताया हा।”