दरसाव 14:15 - जीवन को च्यानणो (सेकावाटी नया नियम की पोथ्या)

¹⁵ जदई एक ओर ईस्बर नगरी दुत मनदर क मांयनैऊँ बारनै आयो अर बो बिऊँ जखो बादळ प बेठ्यो हो जोरऊँ हेलो देर बोल्यो, “हसियो चलार लावणी करले क्युं क लावणी की टेम आगी ह। अर धरती की फसल पकगी ह।”

दरसाव 14:15 Referans Kwoze

मरकुस 4:29

अर जद दाणा पक जावै ह जणा बो बेगोसो दांतळी लेर काटबा लागज्या क्युं क लावणी को टेम आ जावै ह।”

मत्ती 13:39

जखो खरप्तवार बोवै ह बो बेरी सेतान ह। लावणी को टेम इ दुनिया को अंत ह। लावणी करबाळा ईस्बर नगरी दुत हीं।

दरसाव 14:18

जदई एक ओर ईस्बर नगरी दुत जिनै आग प अधिकार हो, बेदीऊँ निकळ्यो, अर जिकै कनै पेनो हसियो हो, बिनै जोरऊँ हेलो देर बोल्यो, “तेरा पेना हसियाऊँ धरती की बैलऊँ अँगूरा का गुछा काट ले क्युं क इका अँगूर पकगा हीं।”

मत्ती 13:30

जद ताँई फसल त्यार नइ होज्यावै आनै ग्युंकै सागैई बढबा द्‍यो, लावणी की टेम म मजुरियाऊँ खेस्युं क बे पेली खरप्तवारनै का'टर बाकी पुळी बणार बिनै बाळदे बिकै पाछै ग्युं की लावणी कर बिनै ओबरी म भेळो करो।’”

दरसाव 16:17

इकै पाछै सातुओ ईस्बर नगरी दुत आपको प्यालो भाळ प उंदका दिओ, अर मनदर का सिंघासनऊँ जोरको हेलो सुणाई दिओ, “सक्यु पूरो होगो!”

मत्ती 23:32

जणा इब थारै बडका की कसर पूरी करल्यो।

दरसाव 15:6

बिकै मांयनैऊँ बे सात ईस्बर नगरी दुत बा सात म्हामार्या क सागै बारनै आया। बे साप अर चमकीला धोळा गाबा पेरमाल्या हा अर आपका सीना प सोना का पटा बांद माल्या हा।

दरसाव 14:14

अर म काँई देख्यो क मेरै सामै एक धोळो बादळ हो अर बिकै उपर एक मिनख बेठ्यो हो बो मिनख का बेटा की जंय्यां दिखर्यो हो, बो आपका सीर प सोना को ताज पेरमाल्यो हो अर बिकै हात म एक पेनो हसियो हो।

दरसाव 6:10

बे जोर-जोरऊँ हेलो पाड़र्या हा, “ओ पबितर अर सचा परबु, थे कद न्याय करस्यो? इ धरती का मिनखा को न्याय अर जखा म्हानै मार्या हा बानै कद सजा देस्यो?”

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।

दरसाव 13:12

ओ बि पेलड़ा खुखार ज्यानबर को सगळो अधिकार काम म लेर्यो हो अर धरती प रेह्बाळा सगळा मिनखाऊँ बि जानबरनै जिको घाव भरगो हो बिनै पूजावै हो।

दरसाव 11:19

इकै पाछै परमेसर का मनदरनै जखो ईस्बर नगरी म ह बिनै खोल्यो गयो, अर मनै मनदर म करार हाळी पेटी दिखी। बिकै पाछै बिजळी को पळको आयो, बिजळी की कड़कबा की उवाज आई अर बादळ की गरजबा की उवाज होई, भूचाळ आयो अर ओळा बरसबा लाग्या।

दरसाव 14:16

जणा जखो बादळ प बेठ्यो हो बो हसियो चलायो अर धरती की फसल काट ली।

दरसाव 14:17

बिकै पाछै ईस्बर नगरी म जखो बडो मनदर ह बिमऊँ एक ओर ईस्बर नगरी दुत बारनै आयो बिकन बी पेनो हसियो हो।