दरसाव 14:14 - जीवन को च्यानणो (सेकावाटी नया नियम की पोथ्या)

¹⁴ अर म काँई देख्यो क मेरै सामै एक धोळो बादळ हो अर बिकै उपर एक मिनख बेठ्यो हो बो मिनख का बेटा की जंय्यां दिखर्यो हो, बो आपका सीर प सोना को ताज पेरमाल्यो हो अर बिकै हात म एक पेनो हसियो हो।

दरसाव 14:14 Referans Kwoze

दरसाव 1:13

अर बा दिपदाना क बिचमै एक मिनख दिख्यो जखो मिनख का बेटा की जंय्यां हो अर बो पगा ताँई चोळो पेर राख्यो हो। अर बिकै सीना प सुनेरा रंग को कमरबंध बंदर्यो हो।

इबरानीआ 2:9

पण आपा ईसुनै जखो ईस्बर नगरी दुताऊँ चिनोसोई कम बणायो गयो हो, इब बिनै मेमा अर मान को मुकट पेर्या देखां हां, क्युं क बो मोत की पिड़ा भोगी ह। जिऊँ क बो परमेसर की दयाऊँ सगळा मिनखा ताँई मोत भोगै।

लूका 21:27

जणा पाछै लोग मिनख का बेटानै मेमा भरी सक्‍ति क सागै बादळा म आता देखसी।

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

दरसाव 6:2

म देख्यो क मेरै सामै एक धोळो घोड़ो ह अर बिपै जखो सुवार हो बो तिरख-बाण ले राखी ही। अर बिनै एक ताज पिरायड़ो हो अर बो जीतबाळा की जंय्यां जीतबानै बारनै चलेग्यो।

दरसाव 1:7

“देखो, बो बादळा क सागै आर्यो ह,” अर “हरेक आँख बिनै देखसी, अठै ताँई बे बी जखा बिनै मार्या हा।” अर धरती का सगळा कूणबा का मिनख “बि ताँई छाती पिटसी।” अंय्यांई होसी! अंय्यांई होवै।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

दरसाव 19:12

बिकी आँख्या मानो आग की लाय की लपटा की जंय्यां ही, अर बिकै सीरपै बोळासारा मुकट हा। अर बिपै एक नाम मंडर्यो हो जिनै बिकै अलावा कोईबी कोनी जाणतो हो।

दरसाव 11:17

अर बोलबा लाग्या, “सऊँ सक्‍तिसाली परबु परमेसर को म्हें धनेवाद करां हां, जखो पेलाऊँ हो, अर इब बी ह। क्युं क थे थारी म्हान सक्‍तिनै लेर राज करबो चालू कर्या हो।

दरसाव 10:1

इकै पाछै, म ईस्बर नगरीऊँ एक ताकतबर ईस्बर नगरी दुतनै तळै उतरता देख्यो। बिकै च्यारूमेर बादळ हा। बिकै सीर क कनै मेघ धनुस हो। बिको मुंडो सूरज की जंय्यां चमकर्यो हो अर बिका पग आग का खम्बा की जंय्यां हा।

मरकुस 4:29

अर जद दाणा पक जावै ह जणा बो बेगोसो दांतळी लेर काटबा लागज्या क्युं क लावणी को टेम आ जावै ह।”

मत्ती 13:30

जद ताँई फसल त्यार नइ होज्यावै आनै ग्युंकै सागैई बढबा द्‍यो, लावणी की टेम म मजुरियाऊँ खेस्युं क बे पेली खरप्तवारनै का'टर बाकी पुळी बणार बिनै बाळदे बिकै पाछै ग्युं की लावणी कर बिनै ओबरी म भेळो करो।’”