दरसाव 13:7 - जीवन को च्यानणो (सेकावाटी नया नियम की पोथ्या)

⁷ बिनै ओ अधिकार दिओ गयो क बो परमेसर का मिनखाऊँ लड़र जीतै। अर बिनै धरती का सगळा कूणबा प, मिनखा प, सगळी बोली बोलबाळा प, अर सगळा देसा प अधिकार दिओ गयो हो।

दरसाव 13:7 Referans Kwoze

दरसाव 11:7

जद बे परमेसर को हेलो मिनखा म पाड़ देसी जणा बो खुखार ज्यानबर जखो पताळ मऊँ निकळसी बाऊँ लड़र बानै मार गेरसी।

दरसाव 12:17

जणा बो अजगर बि लूगाई प झाळ्या भर्यो, अर बो बि लूगाई का वंसजा प जखा परमेसर का हुकमानै मान्या करता हा अर ईसु मसी की गुवाई देता हा बाऊँ लड़बा ताँई निकळ्यो।

दरसाव 17:15

बो ईस्बर नगरी दुत मेरूँ ओज्यु बोल्यो, “तू जखी नद्‍या देखी ही जाकै किनारै बा सऊँ बडी बेस्या बेठी ही, बे नद्‍या सगळा कूणबा का मिनखानै, सगळी बोली बोलबाळानै, देस-देस का मिनखानै, सगळा देसानै दिखावै ह।

दरसाव 11:18

देस-देस का मिनख झाळ्या म भर्या पड़्या हा। थे झाळ्या भर्या , पण इब थारो न्याय करबा को टेम आगो, जिऊँ मरेड़ा को न्याय कर्यो जावै। अर तेरा मिनखा को, थारी खेबाळा को अर बाको जखा थारा नाम को डर मान्या करता हा बदलो लिओ जावै। बानै फळ दिओ जावै अर जखा धरतीनै खराब कर्या हीं बाको नास कर्यो जावै।”

यहून्ना 19:11

ईसु बिऊँ बोल्यो, “ज परमेसर मनै थारै बस म नइ देतो जणा थे क्युंई कोनी कर सका हा। इ ताँई जखो मिनख मनै तेरै हाता म सूप्यो ह बो तेरूँ बी बडो पापी ह।”

दरसाव 10:11

जणा मेरूँ बोल्यो गयो, “तनै परमेसर को समचार सगळा देसानै, सगळा राजानै, सगळी बोली बोलबाळा मिनखानै सुणाणो ह।”

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

लूका 4:6

अर बिऊँ बोल्यो, “इकै उपर को सगळो अधिकार अर ठाट-बाट तनै दे देस्युँ क्युं क ओ मनै दियड़ो ह अर म जिनै चाऊँ बिनै दे सकूँ हूँ