दरसाव 13:4 - जीवन को च्यानणो (सेकावाटी नया नियम की पोथ्या)

⁴ मिनख बि अजगरनै धोकबा लाग्या क्युं क बो आपको सगळो अधिकार बि खुखार ज्यानबरनै दे दिओ हो। अर बे बि डरावना जानबरनै बी धोकर खेबा लाग्या, “इ जानबर जत्तो सक्‍तिसाली कोई कोनी। अर इऊँ लड़बा की हिमत कोईकी इ कोनी।”

दरसाव 13:4 Referans Kwoze

दरसाव 13:2

म जखा खुखार ज्यानबरनै देख्यो हो बो दिखबा म तो चीता की जंय्यां को हो पण बिका पग रीछ की जंय्यां का अर मुंडो नार की जंय्यां को हो। बो अजगर बिनै आपको सिंघासन आपको सगळो अधिकार, अर सक्‍ति सूप दिनी।

दरसाव 18:18

अर जद बे बि नगरीनै बळता अर बिमऊँ धुँआ उठता देख्या जणा बे जोरऊँ बोल पड़्या, ‘के इ सऊँ बडी नगरी की जंय्यां कोई नगरी होई?’

दरसाव 13:15

बि दुसरा डरावना जानबरनै बि मूरती म पिराण गेरबा की सक्‍ति दि गई ही। जिऊँ बा बोल सकै। अर जत्ता बी मिनख बि मूरतीनै नइ धोकै बानै मार दिओ ज्यासी।

दरसाव 12:3

ईस्बर नगरीऊँ एक ओर सेलाणी परगट होई, मेरै सामै एक लाल रंग को बडोसारो अजगर खड़्यो हो बिकै सात सीर अर दस सींग हा अर बिकै सात सीरां प सात ताज हा।

2 थिसलूनिकी 2:4

ओ मिनख परमेसर, झूठा देवता अर जानै मिनख धोकीं हीं बा सकै बिरोद म होज्यासी अर बो खुदनै आ सगळाऊँ बडो बतासी। बो परमेसर का मनदर म जार बेठ ज्यासी अर खुदनै परमेसर बतासी।

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

दरसाव 9:20

जखा मिनख आग, धुँआ अर तिजाब हाळी म्हामारीऊँ बचगा हा बे तौबा कोनी कर्या हा, बे ओपरी बलायानै सोना, चाँदी, पितळ, भाठा अर काठ की मूरत्या क जखी नइ तो बोल सकै ह नइ देख सकै ह, नइ चाल सकै अर नइ सुण सकै बानै धोकबो कोनी छोड्या।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

दरसाव 12:4

बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

दरसाव 13:11

इकै पाछै म धरतीऊँ एक ओर डरावना जानबरनै बारनै निकळता देख्यो। जंय्यां उन्या क सींग होवै ह बंय्यां बिकै दो सींग हा, पण बिकी उवाज अजगर जंय्यां की ही।