दरसाव 13:3 - जीवन को च्यानणो (सेकावाटी नया नियम की पोथ्या)

³ बि खुखार ज्यानबर क सीरामऊँ एक सीर म अंय्यां को घाव हो जिऊँ अंय्यां लगार्यो हो बो इबारई मरज्यासी। पण बिको ओ घाव भरगो, जिऊँ सगळी धरती का मिनख ताजूब कर बिकै गेल होलिआ।

दरसाव 13:3 Referans Kwoze

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 17:17

क्युं क परमेसर आपकी बातनै पूरी करबा ताँई बाकै मन म अंय्यां करसी अर बानै एक मन होर अंय्यां करबा ताँई उकसासी जिऊँ बे आपकी सक्‍ति अर आपको अधिकार बि खुखार ज्यानबरनै दे देसी।

दरसाव 17:10

अ सात सीर सात राजानै बी दिखावै ह, आमैऊँ पाच को तो नास हो चुक्यो, एक इबी राज करै ह, अर एक इब ताँई आयो कोनी। पण जद बो आसी जणा क्युं क टेम ताँई रेह्सी।

दरसाव 17:13

बे दसु राजा एक मन होसी, अर बे आप-आपकी सक्‍ति अर अधिकार बि खुखार ज्यानबरनै देसी।

दरसाव 13:12

ओ बि पेलड़ा खुखार ज्यानबर को सगळो अधिकार काम म लेर्यो हो अर धरती प रेह्बाळा सगळा मिनखाऊँ बि जानबरनै जिको घाव भरगो हो बिनै पूजावै हो।

भेजेड़ा चेला का काम 8:13

आ देखर समोन खुदबी बिकी बाता प बिस्वास कर्यो अर ईसु मसी का नामऊँ बतिस्मो लेर बिकै गेल होलिओ, अर बो बा बडा-बडा सेलाणी-चमत्कारा अर अचरजभर्या कामानै देखर चोरंगो होज्यातो हो।

लूका 2:1

बा दिना राजा अगस्तुस ओ आदेस बटवायो क सगळा रोमी राज का मिनखा को नाम दरज कर्यो जावै।

दरसाव 17:6

म बि लूगाईनै परमेसर का मिनखा का लोय अर ईसु मसी की गुवाई देबाळा मिनखा का लोय पीबा की बजेऊँ मतवाळी होता देख्यो। बिनै देखर मनै बोळो ताजूब होयो।

यहून्ना 12:19

फरिसी एक दुसराऊँ बोल्या, “थे देखो, आपा क्युंई कोनी कर सक्या! जगत का मिनख बिकै गेल होर्या हीं।”

दरसाव 17:11

अर बो खुखार ज्यानबर जखो पेला जिंदो हो, पण इब कोनी, बो खुद आठूओ राजा ह ओ बा सात्यु राजा की जंय्यांई बुरो होसी अर, इको बी नास कर दिओ जासी।