दरसाव 13:16 - जीवन को च्यानणो (सेकावाटी नया नियम की पोथ्या)

¹⁶ अर बो सगळा मिनखानै चाए बो छोटो हो नहिस बडो हो, पिसाळो हो नहिस गरीब हो, मालिक हो नहिस नोकर हो बो सगळानै माथा अर दाया हात प एक छाप लेबा ताँई मजबुर कर्यो।

दरसाव 13:16 Referans Kwoze

दरसाव 20:4

जणा म क्युंक सिंघासन देख्या बापै क्युंक मिनख बेठ्या हा। बानै न्याय करबा को अधिकार दिओ गयो हो। अर म बा मिनखा की आत्मानै जाका सीर ईसु मसी की गुवाई देबा की बजेऊँ अर परमेसर को बचन सुणाबा की बजेऊँ काट्या गया ह, अर बा मिनखानै जखा बि खुखार ज्यानबर अर बिकी मूरतीनै कोनी धोक्या अर नइ बिका आंकनै आपकै माथा अर हात प लगाया हा देख्यो। बे ओज्यु जिंदा होगा अर एक हझार बरस ताँई मसी क सागै राज कर्या।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 7:3

“थे जद ताँई धरती, समदर अर दरख्तानै नास मना करज्यो जद ताँई म्हें आपणा परमेसर की म्होर बिका दासा का माथा प नइ लगा देवां।”

दरसाव 19:18

जिऊँ थे राजाओं, सेनापत्या, ताकतबर मिनखा, घोड़ा को अर बाका सवारा को मास खा सको। अर सगळा मिनखा को चाए बे छोटा हो चाए बडा हो चाए बे मालिक हो चाए बे गुलाम हो बाको मास खा सको।”

दरसाव 19:5

जणा ओज्यु सिंघासनऊँ एक हेलो आयो, “ओ मिनखो थे जखा परमेसरऊँ डरो हो, थे चाए छोटा हो चाए बडा हो बिकी जेजैकार करो।”

दरसाव 20:12

इकै पाछै म छोटाऊँ लेर बडा ताँई का सगळा मरेड़ा मिनखानै देख्यो। बे बि सिंघासन क सामै खड़्या हा , जणा क्युंक पोथ्या खोली गई। आकै पाछै एक ओर पोथी खोली गई, जखी जीवन की पोथी ह। अर बाका करमा गेल जखा इ पोथी म मांड्या गया हा, मरेड़ा को न्याय कर्यो गयो।

दरसाव 6:15

जणा धरती का राजा, मुखिया, सरदार, पिसाळा, ताकतबर, मालिक अर दास सगळा का सगळा गुफा म लुखगा।

भेजेड़ा चेला का काम 26:22

पण परमेसर की दयाऊँ म आज अठै खड़्यो हूँ अर छोटाऊँ लेर बडा ताँई सगळानै मेरी गुवाई देर्यो हूँ। अर बा बातानै छोडर ओर क्युंई कोनी खेऊँ जानै मूसा अर परमेसर की खेबाळा कह्या हा क अ बाता होबाळी ह।

दरसाव 15:2

इकै पाछै मनै काच की जंय्यां को समदर दिख्यो बो अंय्यां दिखै हो जंय्यां क बिकै मांयनै आग बळरी हो। जखा मिनख बि डरावना जानबर की मूरती अर बिका नाम का आंकऊँ जीतगा हा बानै बी काच का समदर क सारै खड़्या देख्या। बे परमेसर की देयड़ी बीणा ले राखी ही

दरसाव 11:18

देस-देस का मिनख झाळ्या म भर्या पड़्या हा। थे झाळ्या भर्या , पण इब थारो न्याय करबा को टेम आगो, जिऊँ मरेड़ा को न्याय कर्यो जावै। अर तेरा मिनखा को, थारी खेबाळा को अर बाको जखा थारा नाम को डर मान्या करता हा बदलो लिओ जावै। बानै फळ दिओ जावै अर जखा धरतीनै खराब कर्या हीं बाको नास कर्यो जावै।”

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

इफिसुस 6:8

याद राखो जखा चोखा काम करसी परबु मसी बा हरेकनै इनाम देसी चाएसै बो गुलाम हो अर चाएसै अजाद।

गलातियो 6:17

इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

2 तिमूतियूस 3:8

अ सीखाबाळा यन्नेस अर यमबरनेस की जंय्यां ह, जखा मूसा को बिरोद कर्यो हो। बंय्यांई अ बी सच को बिरोद करी हीं। अ अंय्यां का सीखाबाळा हीं जाकी मती मरगी ह अर बे बिस्वास म कोनी बण्या रेह सकीं।