दरसाव 13:13 - जीवन को च्यानणो (सेकावाटी नया नियम की पोथ्या)

¹³ अर ओ बडा-बडा सेलाणी-चमत्कार दिखातो हो, अठै ताँई क ओ मिनखा क सामै आसमानऊँ धरती प आग बरसा देतो हो।

दरसाव 13:13 Referans Kwoze

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 16:14

अ सेतानी ओपरी बलाय ही आकै मांयनै चमत्कार करबा की सक्‍ति ही। अ सगळा जगत का राजानै भेळा करबा ताँई चाल पड़ी जिऊँ अ सऊँ सक्‍तिसाली परमेसर का न्याय का दिन लड़ाई लड़ै।

दरसाव 20:9

सेतान की सेना सगळी धरती प फेल ज्यासी। अर बे परमेसर का मिनखा का डेरा अर बिकी लाडली नगरीनै घेर लेसी पण बापै आग बरससी अर बानै बाळ गेरसी।

मरकुस 13:22

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

दरसाव 11:5

ज कोई बाको नास करबो चावै जणा बाका मुंडाऊँ आग निकळसी अर बानै बाळ गेरसी। इ ताँई ज कोई बाको बुरो करबा की सोचसी बानै पक्काई मोत भोगणी पड़सी।

2 तिमूतियूस 3:8

अ सीखाबाळा यन्नेस अर यमबरनेस की जंय्यां ह, जखा मूसा को बिरोद कर्यो हो। बंय्यांई अ बी सच को बिरोद करी हीं। अ अंय्यां का सीखाबाळा हीं जाकी मती मरगी ह अर बे बिस्वास म कोनी बण्या रेह सकीं।

मत्ती 16:1

फरिसी अर सदुकी ईसु कनै आया। क्युं क बे ईसुनै फसाबो चावा हा इ ताँई बे ईसुनै बोल्या, “थानै परमेसर भेज्यो ह इ बातनै साबित करबा ताँई म्हानै कोई ईस्बर नगरी की सेलाणी दिखाओ।”