दरसाव 12:8 - जीवन को च्यानणो (सेकावाटी नया नियम की पोथ्या)

⁸ पण बो अजगर बानै हरा कोनी सक्यो, जिऊँ ईस्बर नगरी म बिकी झघा कोनी बची।

दरसाव 12:8 Referans Kwoze

दरसाव 12:11

बे उन्या का लोयऊँ अर खुदकी गुवाईऊँ, बिपै जीत हासिल करी। बे आपका पिराणानै बी प्यारा कोनी जाण्या अर मोतनै बी गळै लगा लिआ।

यहूदा 1:6

म थानै बा दुता क बारां म बी याद दिलाबो चाऊँ हूँ, जखा आपका अधिकार का पदनै समाळर कोनी राख्या पण बि झघानै छोडर भाग्या जिनै परमेसर बानै रेह्बानै दिओ हो। जणा परमेसर बानै सदा ताँई की आग की भटी म न्यायहाळै दिन ताँई बंद कर दिओ, जिऊँ न्याय क दिन बानै सजा दे।

भेजेड़ा चेला का काम 1:25

जिऊँ बो थारी सेवा करबा ताँई इ भेजेड़ा चेला का ओदानै ले सकै, जिनै यहूदा छोडर जि झघा जोगो हो बठैई चलेगो।”

मत्ती 16:18

म तेरूँ आबी बोलुँ हूँ तू पतरस ह जिको मतबल ढाड होवै ह। तू निम की जंय्यां होसी जिपै म मेरी बिस्वासी मंडळी बणास्युं अर इपै पताळ को जोर कोनी चालसी।

दरसाव 12:7

इकै पाछै ईस्बर नगरी म राड़ छिड़गी। जिमै मुखियो ईस्बर नगरी दुत मीकाईल अर बिका दुत बि बडासारा अजगरऊँ, अर बो अजगर अर इका दुत बाऊँ लड़्यो।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।