दरसाव 12:1 - जीवन को च्यानणो (सेकावाटी नया नियम की पोथ्या)

¹ इकै पाछै आसमान म एक बडी सेलाणी परगट होई। मनै एक लूगाई दिखबा म आई बा सूरजनै धारण कर राखी ही अर चंदरमा बिकै पगा तळै हो। बिकै माथा प बारा तारा को ताज हो।

दरसाव 12:1 Referans Kwoze

लूका 21:25

“बि टेम सूरज चाँद अर तारा म अनोरी बाता होसी अर धरती प झघा-झघा मिनखा म दुख आसी। अर समदर क गरजबाऊँ झाल उठसी अर बा झालाऊँ धरती का सगळा मिनख डर ज्यासी।

इफिसुस 5:32

ओ तो बोळो उंडो भेद ह, जिनै म अठै मसी अर बिस्वास्या की बिस्वासी मंडळी क बारां म बताऊँ हूँ।

मरकुस 13:25

अर अकास मऊँ तारा बी तळै पड़ मरसी। अर अकास की सक्‍तिया हलाई जासी जिऊँ बे आपकी झघा छोड देसी।

लूका 21:11

सगळी झघा खतरनाक भूचाळ आसी, काळ पड़सी अर मरी फेलसी, बठै अकासऊँ अजिब-अजिब अर डराबाळी चिजा आसी।

दरसाव 21:23

नगरीनै सूरज अर चाँद की जुर्त कोनी ही क्युं क बा परमेसर की मेमा का च्यानणाऊँ चमकरी ही अर उन्यो नगरी को दिओ हो।

दरसाव 15:1

इकै पाछै म ईस्बर नगरी म एक ओर ताजूबभरी निसाणी देखी, इबकै म देख्यो क सात ईस्बर नगरी दुत आखरी सात म्हामार्या क सागै हा। क्युं क आकै होबा क सागैई परमेसर को परकोप बी पूरो होज्यासी।

दरसाव 12:3

ईस्बर नगरीऊँ एक ओर सेलाणी परगट होई, मेरै सामै एक लाल रंग को बडोसारो अजगर खड़्यो हो बिकै सात सीर अर दस सींग हा अर बिकै सात सीरां प सात ताज हा।

दरसाव 11:19

इकै पाछै परमेसर का मनदरनै जखो ईस्बर नगरी म ह बिनै खोल्यो गयो, अर मनै मनदर म करार हाळी पेटी दिखी। बिकै पाछै बिजळी को पळको आयो, बिजळी की कड़कबा की उवाज आई अर बादळ की गरजबा की उवाज होई, भूचाळ आयो अर ओळा बरसबा लाग्या।

भेजेड़ा चेला का काम 2:19

म उपर अकास म चमत्कार अर निचै धरती प अचरजभर्या काम करस्युं। बा दिना म लोय, लाय अर धुँआ को बादळ होसी। परबु क पाछो आबा का बि म्हान अर मेमाभर्या दिन क आबाऊँ पेली

मत्ती 24:30

बि टेम अकास म मिनख का बेटा की आबा की सेलाणी दिखसी, जणा धरती का सगळा कूणबा का मिनख छाती पिटसी अर मिनख का बेटानै मेमा अर सक्‍ति क सागै बादळा म आतो देखसी।

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।

मत्ती 12:38

सास्तरानै सीखाबाळा अर फरिसी ईसु कनै आया अर बे ईसुऊँ बोल्या, “ओ गरूजी थे म्हानै कोई ईस्बर नगरी की सेलाणी दिखाओ।”

दरसाव 21:14

नगरी की दिवार बारा निम का भाठाऊँ धरेड़ी ही , अर बापै उन्या का बारा भेजेड़ा चेला का नाम मंडर्या हा।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

गलातियो 3:27

अर थार मऊँ जत्ता बी मसी म बतिस्मो लिआ हो बे मसीनै गाबा की जंय्यां पेर लिआ हीं।

2 कुरन्थीयो 11:2

क्युं क जंय्यां परमेसर थारी चिंत्या करै ह बंय्यांई म बी थारी चिंत्या करूं हूँ अर थे पबितर कुंआरी छोरी की जंय्यां हो जिकी सगाई म मसी क सागै करबा को करार कर दिओ हूँ।

रोमीयो 3:22

सगळा बिस्वास्या ताँई ईसु मसी प बिस्वास करबा क जरिए बिना कोई भेद कर्या परमेसर कानिऊँ मिलबाळी धारमिक्‍ता परगट करी गई ह।

यहून्ना 3:29

बिंद बोई ह जिकै बिनणी ह। पण बिंद को भाईलो जखो खड़्यो होर बिकी सुणै ह, बो जद बिंद बोलै जणा बिकी उवाज सुणर राजी होज्यावै ह। ठिक बंय्यांई म बी राजी होयो।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

गलातियो 4:26

पण दुसरी लूगाई बिस्वास करबाळा की माँ ह जखी परमेसर की खास नगरीनै दिखावै बो ईस्बर नगरी को यरूसलेम ह जखो गुलामी म कोनी।