दरसाव 11:3 - जीवन को च्यानणो (सेकावाटी नया नियम की पोथ्या)

³ म दो गुवा त्यार करस्युं, बे एक हझार दो सो साठ दिना ताँई बोरी का गाबल्या पेर'र परमेसर की बाता बतासी।”

दरसाव 11:3 Referans Kwoze

दरसाव 12:6

अर बा लूगाई उजाड़ म भागगी। बा अंय्यां की झघा ही जिनै परमेसर बि ताँई त्यार कर्यो जठै बा एक हझार दो सो साठ दिना ताँई जिंदी राखी जा सकै।

दरसाव 11:2

पण मनदर क बाड़ क बारै की झघानै मना नापजे, क्युं क ओ परमेसरनै नइ ध्यारबाळा मिनखानै ताँई ह। बे बयाळिस म्हेना ताँई पबितर नगरीनै पगाऊँ चिथसी।

दरसाव 13:5

बि खुखार ज्यानबरनै बयाळिस म्हेना ताँई परमेसर की बुराई करबानै, गुमानऊँ बोलबा ताँई अर मिनखा प अधिकार राखबा ताँई खुलो छोड्यो गयो हो।

भेजेड़ा चेला का काम 13:31

अर बो बानै जखा बिकै सागै गलिलऊँ यरूसलेम आया हा, बोळा दिना ताँई दिखतो रिह्यो अर इब बेई मिनखा क सामै बिका गुवा हीं।

भेजेड़ा चेला का काम 1:8

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

लूका 24:48

थे आ बाता का गुवा हो।

2 कुरन्थीयो 13:1

म तीसरकै थारूँ मिलबा आर्यो हूँ। “सगळी बाता को फेसलो क बे सई ह क कोनी, दो-तीन गुवा की मोजूदगी म होणी चाए।”

भेजेड़ा चेला का काम 2:32

अर इ ईसुनै परमेसर मरेड़ा मऊँ जीवायो, अर इ बात का आपा सगळा गुवा हां।

यहून्ना 15:27

थे बी मेरी गुवाई देस्यो, क्युं क थे सरूआतऊँई मेरै सागै हो।

मत्ती 18:16

पण ज बो तेरी बात कोनी मानै जणा तू एक नहिस दो जणानै सागै लेर बिकन जा जिऊँ सास्तर म मंड्या गेल दो नहिस बिऊँ बेत्ती गुवा की गुवाईऊँ बिपै आरोप सिद होज्या।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

दरसाव 20:4

जणा म क्युंक सिंघासन देख्या बापै क्युंक मिनख बेठ्या हा। बानै न्याय करबा को अधिकार दिओ गयो हो। अर म बा मिनखा की आत्मानै जाका सीर ईसु मसी की गुवाई देबा की बजेऊँ अर परमेसर को बचन सुणाबा की बजेऊँ काट्या गया ह, अर बा मिनखानै जखा बि खुखार ज्यानबर अर बिकी मूरतीनै कोनी धोक्या अर नइ बिका आंकनै आपकै माथा अर हात प लगाया हा देख्यो। बे ओज्यु जिंदा होगा अर एक हझार बरस ताँई मसी क सागै राज कर्या।

इफिसुस 4:11

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

यहून्ना 3:27

यहून्ना जुबाब दिओ, “जद ताँई परमेसर नइ दे, कोईनै क्युंई कोनी मिलै।

मत्ती 11:21

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा नगर्या म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

लूका 10:13

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

दरसाव 11:6

आसमान बाकै बस म होसी जिऊँ जत्ता दिन बे परमेसर की बाता को हेलो पाड़ै बता दिन बरसात कोनी बरससी। पाणी प बी बाको बस चालसी जिऊँ बे पाणीनै लोय म बदल दे, अर बे जद चावै इ धरती प म्हामारी ल्या सकीं हीं।