दरसाव 11:10 - जीवन को च्यानणो (सेकावाटी नया नियम की पोथ्या)

¹⁰ जद धरती का परमेसर को कह्यो नइ मानबाळा मिनख बाकी मोत प राजी होर त्युंहार मनासी। बे एक दुसरानै भेंट भेजसी, क्युं क बे दोनू परमेसर की खेबाळा धरती का परमेसर का कह्या नइ मानबाळा मिनखानै सताया अर बापै विपदा ल्याया हा।

दरसाव 11:10 Referans Kwoze

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

भेजेड़ा चेला का काम 5:33

आ सुणर पंचायत का सदस्य लाल-ताता होर बानै मारबा की सोची।

यहून्ना 7:7

जगत थारूँ नफरत कोनी करै, पण मेरूँ करै ह, क्युं क म खेऊँ हूँ क, ‘तेरा करम बुरा हीं।’

मत्ती 10:22

मेरा नाम की बजेऊँ लोग थारूँ नफरत करसी पण जखो मिनख आपकी अंतघड़ी ताँई सक्यु सेह्सी बोई बचायो ज्यासी।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

1 कुरन्थीयो 13:6

नइ बुराईऊँ राजी होवै ह पण सचाईऊँ राजी रेह्‍वै ह।

यहून्ना 16:20

म थारूँ सची बोलुँ हूँ, थे रोस्यो अर छाती पिटस्यो अर ओ जगत राजी होसी। थे दुखी होस्यो पण थारो दुख, सुक म बदल ज्यासी।

दरसाव 16:10

बिकै पाछै पाचवो ईस्बर नगरी दुत आपको प्यालो बी डरावना जानबर का सिंघासन प उंदका दिओ, जिऊँ बिका राजपाट म अँधकार छागो। पिड़ा क मार्या मिनख आपका दांताऊँ आपकी जीब काट ली।

दरसाव 12:13

जद बो अजगर देख्यो क, “मनै धरती प फेक दिओ गयो ह,” जणा बो बि लूगाई कानि लपक्यो जखी छोरो जलमी ही।