दरसाव 1:20 - जीवन को च्यानणो (सेकावाटी नया नियम की पोथ्या)

²⁰ बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

दरसाव 1:20 Referans Kwoze

दरसाव 2:1

“इफिसुस की बिस्वासी मंडळी का मुखियानै मांड। अ बात बिकै कानिऊँ ह जखो सात्यु तारा आपका दाया हात म ले राख्या ह, अर सोना का सात्यु दिपदाना क बिचमै फिरै ह।

दरसाव 3:1

“सरदिस की बिस्वासी मंडळी का मुखियानै मांड। अ बाता बिकै कानिऊँ ह जिकै कनै परमेसर की सात आत्मा अर सात तारा हीं। म थारा करमानै जाणू हूँ। थे जिंदा तो बाजो हो पण हो मरेड़ा।

दरसाव 1:16

अर बो आपका दाया हात म सात तारा ले राख्या हा। बिका मुंडाऊँ दोधारी तलवार बारनै निकळरी ही। अर बिकी सकल दोपारी का भळकता सूरज की जंय्यां ही।

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

दरसाव 2:18

“थुआतिरा की बिस्वासी मंडळी का मुखियानै मांड। अ बाता परमेसर का बेटा कानिऊँ ह, जिकी आँख्या आग की लपटा की जंय्यां ह, अर पग चमकता काँसा की जंय्यां ह।

दरसाव 2:12

परगमुम की बिस्वासी मंडळी का मुखियानै मांड। अ बात बिकै कानिऊँ ह जिकै कनै पेनी दोधारी तलवार ह।

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

लूका 8:10

जणा बे खया, “परमेसर क राज का भेद को ज्ञान थानै दियड़ो ह पण दुसरानै म अ भेद मिसाल देर बताऊँ हूँ। जिऊँ बे देखर बी कोनी देख सकीं अर सुणर बी कोनी सुण सकीं।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

दरसाव 1:4

म यहून्ना, एसिया परदेस की सात्यु बिस्वासी मंडळ्यानै मांडू हूँ , परमेसर जखो ह, हो अर आबाळो ह बिकै कानिऊँ, अर सात्यु आत्मा जखी बिकै सिंघासन क सामै ह बाकै कानिऊँ, अर बिस्वास जोगो गुवा, अर मरेड़ा मऊँ जीबाळो पेलो अर इ धरती का राजा प राज करबाळा ईसु मसी कानिऊँ थार प दया अर सुक-स्यांती होती रेह्‍वै। बो आपणाऊँ परेम करै ह अर आपका लोयऊँ आपानै आपणा पापऊँ सुद करबा ताँई मर्यो ,

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

दरसाव 2:5

इ ताँई चेता म आ अर आ सोच क तू कठैऊँ गिर्यो, तू तौबा कर अर पेल्या की जंय्यां काम कर, अर ज तू अंय्यां कोनी करसी जणा म तेरै कनै आर तेरा दिपदानानै बि झघाऊँ हटा देस्युँ।

दरसाव 17:5

बिकै माथा प नाम मंडर्यो हो जखो एक भेद हो , सऊँ बडी नगरी बाबुल बेस्या अर सूगली चिजा की माँ

दरसाव 17:7

जणा बो ईस्बर नगरी दुत मेरूँ बोल्यो, “तू ताजूब क्युं करै ह? म तनै इ लूगाई अर जि सात सीर अर दस सींग हाळा खुखार ज्यानबर प आ बेठी ह बिको भेद बतास्युं।