फलिपी 4:10 - जीवन को च्यानणो (सेकावाटी नया नियम की पोथ्या)

¹⁰ म परबु म बोळो राजी हूँ क अत्ता दिना पाछै थे ओज्यु मेरी चिंत्या करी; म आ कोनी खेऊँ क थे मेरी चिंत्या करबो छोड दिआ क्युं क म जाणू हूँ क थानै इनै दिखाबा को मोको कोनी मिल्यो।

फलिपी 4:10 Referans Kwoze

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

गलातियो 6:6

जखा बचन की सीख सीखै ह, बिनै चाए क जखी चोखी चिजा बिकन ह, बो बानै आपका सीखाबाळा क सागै बांटै।

फलिपी 1:3

जद बी म थानै याद करूं जणा थारै ताँई परमेसर पिता को धनेवाद करूं हूँ;

गलातियो 6:10

जणा जठै ताँई मोको मिलै, आपा सगळा क सागै भलाई करां, अर खास कर बिस्वासी भाईड़ा क सागै।

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

फलिपी 2:30

क्युं क मसी का काम ताँई बो आपकी ज्यान प खेलर मोत क सांकड़ै आग्यो हो, जिऊँ जखी सेवा थारै कानिऊँ मेरी कोनी हो सकी बिनै बो पूरी करी।

फलिपी 1:1

म्हें मसी ईसु का गुलाम पोलुस अर तिमूतियूस आ चिठी फलिपी नगरी म मसी क सागै मेळ राखबाळा परमेसर का सगळा मिनखा, सागै की सागै बिस्वासी मंडळी का रूखाळा अर काम म हात बटाबाळानै मांडर्या हां। था सगळा प आपणा परम-पिता परमेसर अर परबु ईसु मसी कानिऊँ दया अर स्यांती मिलती रेह।