फलिपी 3:9 - जीवन को च्यानणो (सेकावाटी नया नियम की पोथ्या)

⁹ अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

फलिपी 3:9 Referans Kwoze

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

गलातियो 2:16

पण आपा जाणा हां, क मिनख नेम-कायदानै मानबाऊँ नहिस करमाऊँ परमेसर क सामै धरमी कोनी बणै, पण ईसु मसी प बिस्वास करबाऊँ धरमी बणै ह। जणा आपा बी ईसु मसी प बिस्वास कर्या अर आई बजे ह क आपा परमेसर क सामै धरमी बण्या, क्युं क बिधी-बिधान का करमाऊँ कोई बी धरमी कोनी बणै।

रोमीयो 8:1

जणा इब मसी ईसु म जिबाळा ताँई कोई दंड कोनी,

रोमीयो 1:17

क्युं क चोखो समचार परमेसर की धारमिक्‍तानै बतावै, आ धारमिक्‍ता सरूआतऊँ लेर आखीर ताँई बिस्वास प टिकरी ह जंय्यां क पबितर सास्तर म मंडर्यो ह, “धरमी मिनख बिस्वासऊँ जिसी।”

तितूस 3:5

अंय्यां इ ताँई कोनी होयो क आपा धरम का करम कर्या हा, पण आ बिकी दयाई ह की बो आपानै पबितर आत्मा क जरिए बचायो ह जखी आपानै धोर नयो जलम अर नई जिंदगी देवै ह।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

फलिपी 3:6

ज मेरा जोस क बारां म सुणबो चाओ जणा म बिस्वासी मंडळीनै दिन घालबाळो; अर नेम-कायदा का हुकमानै मानबाळो धरमी अर निरदोस आदमी हो।

रोमीयो 10:10

क्युं क आपका हिया म बिस्वासऊँ मिनख धरमी बणायो जावै ह अर खुदका मुंडाऊँ मानबाऊँई बिनै बचायो जावै ह।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

मत्ती 9:13

इ ताँई थे जाओ अर सास्तर म मांडेड़ा इ बचन को मतबल काँई ह बिनै समजो, ‘म बलिदान कोनी चाऊँ पण दया चाऊँ हूँ। म धरम्या ताँई कोनी आयो पण पाप्यानै बुलाबा आयो हूँ।’”

1 यहून्ना 3:4

पण जखो बी मिनख पाप करै ह, बो परमेसर का हुकमानै कोनी मानै अर परमेसर का हुकमानै नइ मानबोई पाप ह।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

याकूब 3:2

क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।

इबरानीआ 6:18

जणा अठै नइ बदलबाळी दो बाता ह, बिको बादो अर बिकी सोगन जाकै बारां म परमेसर कदैई झूठ कोनी बोल सकै। इ ताँई परमेसर की सरण म आबो आपानै बोळी हिमत बंधावै, जिऊँ आपा आपणै सामै धरेड़ी परमेसर का करेड़ा वादा क पूरो होबा की आसनै, मजबूती क सागै लगाए राखां।

रोमीयो 16:7

मेरा देसवासी अंडरोनीकुस अर यूनिया जखा मेरै सागै जेळ म हा, भेजेड़ा चेला म नामी ह अर जखा मेरूँ पेल्याई मसी म आगा हा, बानै मेरो नमस्कार।

रोमीयो 5:21

जिऊँ जंय्यां मोत की बजेऊँ पाप राज कर्यो ठिक बंय्यांई आपणा परबु ईसु मसी क जरिए अजर-अमर जीवन ल्याबा ताँई परमेसर की दया धरमऊँ राज करै।