Biblia Todo Logo
Bib sou entènèt

- Piblisite -




फलिपी 3:18 - जीवन को च्यानणो (सेकावाटी नया नियम की पोथ्या)

18 म थानै पेल्या बी कई बार आ बात बता दिनी ही अर इब बी म थानै आसुआ क सागै ओज्यु बताऊँ हूँ, क अंय्यां का बोळा हीं जखा सुळी प मसी की मोत का बेरी बणर जीवै ह।

Gade chapit la Kopi




फलिपी 3:18
30 Referans Kwoze  

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,


जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।


अर म आ देखर क बे चोखा समचार की सचाई प खराईऊँ कोनी चालीं, जणा म सकै सामै केफाऊँ बोल्यो, “तू यहूदि होर बि गैर-यहूदि मिनखा की जंय्यां जीतो आर्यो ह, जणा गैर-यहूदि मिनखानै यहूदि मिनखा की जंय्यां जीबा ताँई क्यु खेवै ह?”


पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।


आ बात खासकर बा मिनखा प लागू होवै ह जखा काया की बुरी इंछ्या गेल चालीं हीं। अर परमेसर का अधिकारनै कोनी मानी। बे ढिट अर बादिला हीं, अर अंय्यां का मिनख ईस्बर नगरी की सक्‍तिया की बुराई करबाऊँ कोनी डरै।


कोई मिनख दुसरा की लूगाईनै बुरी नजरऊँ नइ देखै। क्युं क परबु अंय्यां करबाळा मिनखनै बेसी सजा देवै ह जंय्यां आ बाता क बारां म म्हें पेल्याई थानै बता अर चेता दिओ हो।


अर जद बी म था सगळा ताँई परमेसरऊँ अरदास करूं जणा म राजी हियाऊँ थारै ताँई अरदास करूं हूँ,


जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।


म परमेसर की दयानै बेकार कोनी जाबा द्‍युँ, क्युं क ज नेम-कायदा की बजेऊँ धारमिक्‍ता मिलती, जणा मसी को मरबो बेकारई ह।


जद कोई कमजोर ह तो म बी खुदनै कमजोर म्हेसुस करूं हूँ, अर ज कोई पाप म पड़्यो ह जणा मनै दुख होवै ह।


क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।


क्युं क म अ बाता दुखी हियाऊँ अर पिड़ा म आसुआ क सागै थानै मांडी ही। इको मतबल ओ कोनी क म थानै दुखी करबो चावै हो पण इ ताँई मांडी ह क जखो परेम म थारूँ करूं हूँ बिनै थे जाणल्यो।


के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,


मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।


क मनै बोळो बडो दुख ह, अर मेरा मन म पिड़ा ह।


अर कनै आर जद बो यरूसलेमनै देख्यो जणा बिनै बिपै रोज आयो।


अ मिनख आपका करमाऊँ गंदगी फेलावीं हीं जंय्यां तौफान म समदर की झाल झाग फेकै ह। थानै आ मिनखा का दिखाया गेला प नइ चालबो चाए क्युं क अ बा तारा की जंय्यां हीं जखा नित नई-नई दिसा म जावीं हीं। आ ताँई नरक म अँधेरीयो खाडो सदाई त्यार ह जिमै आनै पटक्यो जासी।


म्हें सुण्या हा क थारै मांयनै क्युंक मिनख सई गेलै कोनी चालै अर काम-धंधो कोनी करै। पण दुसरा का कामा म टांग अड़ावै।


अर थानै आ बताबा की जुर्त तो आथ कोनी क यहूदि मिनख जद एको कर मेरै खिलाप होगा हा। जिऊँ मेर प कत्ती तुमत आई ही पण आकै बावजुद बी म दिन-रात नरमाई अर आसुआ क सागै कंय्यां परबु की सेवा करतो रिह्यो।


पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।


Swiv nou:

Piblisite


Piblisite