फलिपी 3:10 - जीवन को च्यानणो (सेकावाटी नया नियम की पोथ्या)

^10-11 म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

फलिपी 3:10 Referans Kwoze

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

फलिपी 3:8

अर म आ बातानैई नइ पण सगळी बातानै मेरा परबु मसी ईसुनै जाणबा की बडी बात क सामै घाटा की समजूँ हूँ। अर मसी ताँई म आनै कुड़ो-करकट जा'णर बगा दिओ जिऊँ म मसीनै पाऊँ

1 यहून्ना 2:3

परमेसरनै सचमई जाणबा ताँई एकई गेलो ह क, आपा बिका हुकमानै माना, अर ज आपा अंय्यां करां हां, जणा बिनै सचमई जाण लिआ हां।

कलुसीयो 3:1

मसी मरेड़ा मऊँ ओज्यु जीवायो गयो इ बजेऊँ थे आत्मा म जीवाया गया हो। इ ताँई थे ईस्बर नगरी हाळी चिजानै टोल्यो। जठै मसी परमेसर का दायणै हात कानि बिका सिंघासन प बिराजर्यो ह।

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

2 कुरन्थीयो 1:5

क्युं क जंय्यां मसी जखी पिड़ा भोगी बिनै म्हें बी भोगां हां जिऊँ आपा मसी की बजेऊँ परमेसर की बि म्हान मददनै बी भोगां।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

1 यहून्ना 2:5

पण जखोबी मिनख परमेसर को खयो करै ह, जणा बिकै मांयनै परमेसर को परेम सचमई बास करै ह। क्युं क ओई एक गेलो ह जिऊँ आपा परमेसर म मजबूत बण्या रेह सकां हां।

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

रोमीयो 8:29

जिनै बो पेल्या टाळ्यो बानै बो बिका बेटा स्यारका बणाबा ताँई ते कर्यो। जिऊँ बोळा भायां म बो पेलीपोत को बणै।

दरसाव 1:18

म बोई हूँ जिकनै जीवन ह। म पेली मरगो हो पण इब सदा-सदा ताँई जिंदो हूँ, मोत अर पताळ की ताळ्या मेरै कनै ह।

कलुसीयो 2:13

मसी प बिस्वास करबाऊँ पेल्या थे थारा पाप की बजेऊँ आत्मा म मरेड़ा अर बिना सुन्नतहाळा हा। पण इब परमेसर थानै मसी क सागै जीवायो अर सगळा पापऊँ आपणानै माफ कर दिओ;

इफिसुस 4:13

जद ताँई आपा सगळा बिस्वास अर परमेसर का बेटा की जाण-पिछाण म एक नइ होज्यावां, अर पक्का मिनख बणर मसी का रूप म पूरा नइ बढ ज्यावां।

2 कुरन्थीयो 1:10

अर बोई म्हानै बि दरदनाक मोतऊँ बचायो। अर इ टेम बी बोई म्हानै बचावै ह। क्युं क म्हें बिपैई आस लगा राखी ह इ ताँई आगै बी बोई म्हानै बचासी।

यहून्ना 10:18

मेरा पिराणा मेरूँ कोई कोनी ले सकै, पण बिनै म खुदई देऊँ हूँ। मनै ओ हक ह क म इनै दे सकूँ अर इनै पाछो ले सकूँ। अंय्यां करबा को हुकम मनै परम-पिता दिओ ह।”

मत्ती 20:23

ईसु खयो, “थे पक्काई भोगस्यो पण मेरै दाया-बाया बिठाबा को हक म कोनी दे सकूँ। मेरै दाया-बाया तो बेई बेठसी जिनै मेरो परम-पिता बिठासी।”

रोमीयो 8:36

जंय्यां क पबितर सास्तर म मंडेड़ो ह: “क्युं क तेरी बजेऊँ म्हानै हर टेम मोत को मुंडो देखणो पड़ै; म्हें कटबाळी लल्डी समज्या जावां हां।”

गलातियो 6:17

इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।

2 पतरस 1:13

म सोचूँ हूँ क, ओ चोखो ह क जद ताँई म इ काया म हूँ, थानै अ बाता याद दिवातो रेहस्युं।