फलिपी 2:6 - जीवन को च्यानणो (सेकावाटी नया नियम की पोथ्या)

⁶ बो परमेसर का सुभाव म होर बी परमेसर क बराबर होबा को हक कोनी जतायो।

फलिपी 2:6 Referans Kwoze

यहून्ना 5:18

आ बात यहूदि अधिकारीया क ओर घणी गडगी जि बजेऊँ बे बिनै मारबा ताँई ओर बेत्ती मोका ढुंढबा लाग्या। क्युं क बो बाकी नजर्या म यहूदि मिनखा का अरामहाळा दिन कोई नियम कोनी तोड़्यो, पण खुदनै परमेसर को बेटो बतार परमेसर की बराबरी कर्यो।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

दरसाव 21:6

बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

यहून्ना 10:30

म अर मेरो परम-पिता एकई हां।”

इबरानीआ 13:8

ईसु मसी काल अर आज अर सदाई एकसो ह।

यहून्ना 10:33

बे बोल्या, “म्हें तेरा चोखा कामा ताँई तेर प भाठा कोनी बगावां, पण तू मिनख होर खुदनै परमेसर बतार परमेसर की बुराई करै ह।”

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

यहून्ना 20:28

जणा जुबाब म थोमा बोल्यो, “ओ मेरा परबु, ओ मेरा परमेसर।”

यहून्ना 10:38

ज म बे करूं, इकै बावजुद बी थे मेर प बिस्वास कोनी करो, पण कमऊँ कम मेरा कामा प तो बिस्वास करो। जिऊँ थे जाण सको क परम-पिता मेर म ह, अर म परम-पिता म।”

इबरानीआ 1:6

अर जद परमेसर आपका पेलीपोत का बेटानै जगत म भेज्यो ह, जणा बो बोलै ह क, “सगळा ईस्बर नगरी दुत बिकै आगै धोक खावै।”

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

इबरानीआ 1:8

पण बो आपका बेटा क बारां म खेवै ह क, “ओ परमेसर तेरो सिंघासन जुग-जुग ताँई रेह्सी, अर तेरा राज म सदाई न्याय होसी।

यहून्ना 5:23

जिऊँ सगळा, बि बेटा को बंय्यांई मान-समान करै जंय्यां परम-पिता को मान-समान करीं हीं। जखो बी बेटा को मान-समान कोनी करै बो परम-पिता को मान-समान बी कोनी करै जखो बिनै भेज्यो ह।

यहून्ना 14:28

“थे मनै अंय्यां बोलता सुण्या हो, ‘म जार्यो हूँ, पण म थारै कनै ओज्यु आस्युं।’ ज थे मेरूँ परेम करो हो जणा थे इ बातऊँ राजी होस्यो क म परम-पिता कनै जार्यो हूँ क्युं क बो मेरूँ बडो ह।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।