फलिपी 2:3 - जीवन को च्यानणो (सेकावाटी नया नियम की पोथ्या)

³ खुदकी गरज काडबा अर बुरी इंछ्या राख'र फांप मारबा ताँई क्युंई मना करो, पण छोटा बाप का बणर एक-दुसरानै खुदऊँ चोखो मानो।

फलिपी 2:3 Referans Kwoze

रोमीयो 12:10

एक दुसराऊँ सचो परेम करो। एक दुसरा को खुदऊँ बेत्ती आदरमान करो।

गलातियो 5:26

आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।

इफिसुस 5:21

मसी को डर राख'र एक-दुसरा क बस म रह्यो।

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

1 पतरस 5:5

अंय्यांई ओ जवानो थे बिस्वासी मंडळी का मुखिया क खया म चालो, थे छोटा बणर एक दुसरा की सेवा करो, क्युं क, “परमेसर गुमान करबाळा क खिलाप ह, पण जखो मिनख खुदनै छोटो बणावै ह बिकै उपर परबु दया करै ह।”

फलिपी 2:14

सक्यु बिना बड़बडाट क अर बिना जिदा-जादि क कर्या करो,

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

1 तिमूतियूस 6:4

जणा अंय्यां को मिनख मरोड़ म बांको रेह्‍वै, पण बो क्युंई कोनी जाणै। बिकी मत्ती मारी गई, अर बिनै बाता प जिदबो चोखो लागै ह। बिमैऊँ बळोकड़ोपूणो, दोस लगाबो, सूगली बाता अर बुराई निकळै ह।

लूका 18:14

म थानै सची-सची बोलुँ हूँ परमेसर की नजर्या म फरिसी नइ, पण ओ चुंगी लेबाळोई धरमी होर आपकै घरा गयो। क्युं क जखो खुदनै बडो मानसी बिनै छोटो अर जखो खुदनै छोटो मानसी बिनै बडो कर्यो ज्यासी।”

कलुसीयो 3:8

पण इब थे आ सगळी चिजा क सागै, लाल-तातो होबो, दांत पिसबो, बैर बांदबो, दुसरा की बुराई करबो अर मुंडाऊँ गाळ्यां बकबानै छोड द्‍यो।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

1 कुरन्थीयो 15:9

म सगळा भेजेड़ा चेलाऊँ छोटो हूँ म तो भेजेड़ो चेलो खुवाबा जोगोई कोनी क्युं क म परमेसर की बिस्वासी मंडळी का मिनखानै सतायो करतो हो।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

कलुसीयो 3:12

थे परमेसर का लाडला, पबितर अर टाळेड़ा मिनख हो। इ ताँई तरस, दया, नरमाई अर थ्यावस का गाबा पेरल्यो अर मन म बडा मना होवो।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।