Biblia Todo Logo
Bib sou entènèt

- Piblisite -




फलिपी 2:13 - जीवन को च्यानणो (सेकावाटी नया नियम की पोथ्या)

13 क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

Gade chapit la Kopi




फलिपी 2:13
39 Referans Kwoze  

इको ओ मतबल कोनी क म्हें इ कामनै करबा को बूतो राखां हां। पण म्हानै ओ बूतो परमेसरई देवै ह।


बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।


जणा आ बात नइ तो कोईकी इंछ्याऊँ होवै अर नइ कोई क भाग-दोड़ करबाऊँ पण आ तो दयालु परमेसर की बात ह।


अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।


यहून्ना जुबाब दिओ, “जद ताँई परमेसर नइ दे, कोईनै क्युंई कोनी मिलै।


परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।


अर काम करबा की न्यारी-न्यारी चिजा होवै ह पण परमेसर एकई ह जखो सगळानै एक खास काम करबा की काबलीयत देवै ह।


इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।


पेल्याऊँई आ ते करलिनी ही क ईसु मसी म आपा बिका गोद लियड़ा टाबर होवां, आई बिकी खुसी अर मकसद हो।


क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।


“मेरा छोटा रेवड़ डरै मना, थारो परम-पिता थानै आपको राज देबो चावै।


परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।


अर बो बोल्यो, “जणाई तो म थारूँ बोल्यो हो क, जद ताँई खुद परम-पिता कोईनै मेरै कनै आबा कोनी देवै, जद ताँई कोई मेरै कनै कोनी आ सकै।”


अर जोड़ला टाबरा क जलमऊँ पेल्या अर बाकै क्युं बी भलो-बुरो करबाऊँ पेल्या परमेसर रिबकाऊँ बोल्यो, “बडोड़ो छोटक्या की सेवा करसी।” परमेसर अंय्यां इ ताँई बोल्यो जिऊँ परमेसर क टाळबा को मकसद पूरो होवै जखो बा दोन्या क करमा गेल कोनी हो, पण इ बात प हो क परमेसर किनै बुलाबा की ध्यारमाली हीं।


परमेसर की खेबाळा पबितर सास्तर म आ मांडी ह, ‘सगळानै परमेसरई सीखासी।’ अर मेरै कनै बोई आवै ह जखो परम-पिताऊँ सुणै अर सीखै ह।


परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।


परबु को हात बा प हो, जिकी बजेऊँ घणासारा मिनख बिस्वास कर ईसु क कानि मुड़्या।


क, “ईस्बर नगरी म परमेसर की जे-जैकार हो अर धरती प बा मिनखानै स्यांती मिलै जिऊँ बो राजी ह।”


इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।


Swiv nou:

Piblisite


Piblisite