फलिपी 2:1 - जीवन को च्यानणो (सेकावाटी नया नियम की पोथ्या)

¹ मसी म ज थानै हिमत मिली हो, बिका प्यार-परेम म थानै स्यांती मिली हो, पबितर आत्मा क सागै थारो संगरो ह अर थारै म नरमाई अर दया ह,

फलिपी 2:1 Referans Kwoze

कलुसीयो 3:12

थे परमेसर का लाडला, पबितर अर टाळेड़ा मिनख हो। इ ताँई तरस, दया, नरमाई अर थ्यावस का गाबा पेरल्यो अर मन म बडा मना होवो।

1 यहून्ना 4:12

परमेसरनै कोईबी कदैई कोनी देख्यो, पण ज आपा एक दुसराऊँ प्यार-परेम करां जणा परमेसर आपणा म बास करै ह अर बिको परेम आपणै मांयनै पूरी तर्या ह।

2 कुरन्थीयो 13:14

परबु ईसु मसी की दया अर परमेसर को परेम अर पबितर आत्मा को संगरो थारै सगळा क सागै होतो रेह्‍वै।

कलुसीयो 2:2

ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

भेजेड़ा चेला का काम 4:32

बिस्वास्या की टोळी एक हिया अर एक बिचार की ही जोक्यु बाकन होतो बे बिनै आपसरी म बाट लेता हा, अर कोईबी तेरी मेरी कोनी करतो।

1 यहून्ना 3:24

अर जखोबी मिनख परमेसर का हुकमानै मानै ह, बिकै मांयनै परमेसर को बास रेह्‍वै ह अर बो मिनख परमेसर म बण्यो रेह्‍वै ह। अर पबितर आत्मा की बजेऊँई जखी आपानै दि गई, आ जाण ज्यावां हां क आपणै मांयनै परमेसर को बास ह।

यहून्ना 17:13

“इब म थारै कनै आर्यो हूँ पण अ बाता म इ जगत म रेह्ता-सेह्ता बोलुँ हूँ, जिऊँ क बाको हियो मेरी खुसीऊँ भरज्या।

1 यहून्ना 4:16

जंय्यां को परेम परमेसर आपाऊँ करै ह बिनै आपा जाणा हां अर आपा बिपै बिस्वास बी करां हां। परमेसर परेम ह, अर जखो बी मिनख परेम करै ह बो परमेसर म बण्यो रेह्‍वै ह अर परमेसर बिमै बास करै ह।

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

1 कुरन्थीयो 3:16

थे जाणो कोनी के थे परमेसर का मनदर हो अर परमेसर की पबितर आत्मा थारै म रेह्‍वै ह?

रोमीयो 8:26

अंय्यांई पबितर आत्मा आपणी कमजोरी म आपणी मदद करै ह, क्युं क आपा कोनी जाणा क आपा कूणसी रीतऊँ अरदास करां हां। पण पबितर आत्मा खुद कुराणर जिको बखान कोनी कर सकां आपणा ताँई अरदास करै ह।

रोमीयो 5:5

अर आ आस आपणो निरादर कोनी होबा दे, क्युं क पबितर आत्मा क जरिए जखी आपानै दि गई ह परमेसर को परेम आपणा हिया म उंदकायो गयो ह।

भेजेड़ा चेला का काम 2:46

बे रोजकी एक टोळी की जंय्यां मनदर म मिलता, एक-दुसरा का घरा म रोटी तोड़ता। राजी-खुसी अर सिदा मनऊँ एक सागै रळमिल रोटी खाता।

1 पतरस 1:2

परम-पिता परमेसर पेल्याऊँ काँई ध्यार राखी ही बिकै गेलई थानै टाळ्यो ह। अर पबितर आत्मा थानै पबितर बणाई, जिऊँ थे ईसु मसी क खया प चालो अर बिका लोयऊँ सुद होवो। परमेसर की दया अर स्यांती थार प बणी रेह्‍वै।

इबरानीआ 6:18

जणा अठै नइ बदलबाळी दो बाता ह, बिको बादो अर बिकी सोगन जाकै बारां म परमेसर कदैई झूठ कोनी बोल सकै। इ ताँई परमेसर की सरण म आबो आपानै बोळी हिमत बंधावै, जिऊँ आपा आपणै सामै धरेड़ी परमेसर का करेड़ा वादा क पूरो होबा की आसनै, मजबूती क सागै लगाए राखां।

फलिपी 1:8

म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।

इफिसुस 4:4

क्युं क एकई पबितर आत्मा ह अर आपा बिस्वासी एकई काया हां अर आपणी एकई आस ह जी ताँई परमेसर थानै बुलायो ह।

2 कुरन्थीयो 2:14

परमेसर को धनेवाद हो क बो आपानै मसी की बजेऊँ सदाई जीत का गेला प लेज्यावै ह। अर परमेसर मसी की बाता का ज्ञाननै च्यारूमेर फेलाबा ताँई आपानै चोखी सुगंद की जंय्यां काम म लेवै ह।

1 कुरन्थीयो 15:31

मेरा बिस्वासी भाईड़ो, मसी ईसु क सागै थारा रिस्ता की बजेऊँ म थार प गुमान करूं हूँ आ बात जत्ती सच ह बत्तिई आ बी सच ह क म रोजकी मेरी ज्यान को खतरो उठाऊँ हूँ।

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

यहून्ना 14:18

म थानै अनाथ की जंय्यां एकलो कोनी छोडूँ। म थारै कनै पाछो आस्युं।

लूका 2:25

यरूसलेम म पबितर आत्माऊँ भरेड़ो समोन नाम को एक खरो अर भगत मिनख हो जखो इजरायल की अजादिनै उडिकर्यो हो।