फलिपी 1:5 - जीवन को च्यानणो (सेकावाटी नया नियम की पोथ्या)

⁵ क्युं क जद थे चोखा समचारनै सुण्या बि दिनऊँ लेर इब ताँई चोखा समचारनै फेलाबा म थे मेरा संगी हो।

फलिपी 1:5 Referans Kwoze

इबरानीआ 3:14

क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।

फिलेमोन 1:17

ज तू मनै तेरो साती समजै जणा तू बिकी बंय्यांई आवभगत करजे जंय्यां मेरी करै ह।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

इफिसुस 3:6

ओ भेद ओ ह क मसी का चोखा समचारनै मानबा की बजेऊँ गैर-यहूदि मिनख यहूदि मिनखा क सागै बापोती का हिस्सेदार होर, परमेसर का आसिरबाद म सामिल होगा; अर एकई काया का अंग अर मसी ईसु म करेड़ा बादा का हिस्सेदार होगा।

2 कुरन्थीयो 8:1

सुणो मेरा लाडला बिस्वास्यो, इब म्हें थानै मकीदुनिया दिसावर की बिस्वासी मंडळ्या प जखी दया परमेसर करी ही बिकै बारां म बतावां हां।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

1 यहून्ना 1:7

पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

1 कुरन्थीयो 1:9

परमेसर बिस्वास जोगो ह। बो थानै आपका बेटा ईसु मसी क सागै संगती करबानै टाळ्यो ह जखो आपणो परबु ह।

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

भेजेड़ा चेला का काम 2:42

अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

रोमीयो 12:13

परमेसर का मिनखा की जुर्ता म बाको सागो द्‍यो, मिजमानी घालबा का मोका ढुंढता रेह्ओ।

फलिपी 1:12

अब मेरा लाडला बिस्वास्यो, जखी बाता मेरै सागै बिती ह बाऊँ पक्काई चोखो समचार बोळो फळ्यो ह। म चाऊँ हूँ क थे आ बातानै जाणो।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

फलिपी 2:22

जंय्यां बेटो बाप क सागै मिलर मेनत करै ह बंय्यांई तिमूतियूस मेरै सागै मिलर चोखा समचारनै फेलाबा ताँई मेनत करी ह अर बिकी काबलीयतनै थे खुदई चोखी तर्या जाणो हो।

फलिपी 4:3

अर मेरा बिस्वासी सिरी सुजुगे, म तेरूँ बी अरदास कर आ चाऊँ हूँ क जखी लूगाया मेरै सागै चोखा समचारनै फेलाबा म क्लेमेंस अर मेरा ओर बी सिर्या क सागै मेनत करी ही बाको सागो दिआ कर क्युं क बाको नाम बी जीवन की पोथी म मंडेड़ो ह।