फलिपी 1:10 - जीवन को च्यानणो (सेकावाटी नया नियम की पोथ्या)

¹⁰ जिऊँ थे घणो चोखो काँई ह इनै टाळर, मसी क ओज्यु आबा का दिन म सगळा बुरा कामाऊँ अर कळंकऊँ पबितर होज्यास्यो।

फलिपी 1:10 Referans Kwoze

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

1 थिसलूनिकी 3:13

बो थारा हियानै अंय्यां को पक्को करै क जद आपणो परबु ईसु सगळा पबितर दुता क सागै आसी जणा थे परम-पिता परमेसर क सामै पबितर अर निरदोस होवो।

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

रोमीयो 2:18

तू परमेसर की इंछ्यानै जाणै अर जखो सई ह बिनै मानै ह क्युं क नेम-कायदाऊँ तनै अ सीखाया गया ह।

इफिसुस 5:10

परमेसरनै काँई चोखो लागै ह इकै बारां म खोज करो।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

फलिपी 1:6

अर मनै पक्को बिस्वास ह की जखो चोखो काम परमेसर थारै म चालू कर्यो हो बो इ कामनै ईसु मसी क ओज्यु आबा का दिन ताँई पूरो कर देसी।

1 थिसलूनिकी 5:21

सगळी बातानै बिचासो अर जखी चोखी ह बानै पकड़्या रेह्ओ।

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

इफिसुस 5:27

जिऊँ बो बिनै अंय्यां की भळका मारबाळी बिस्वासी मंडळी बणार आप ताँई त्यार करै, जिमै कोईबी दाग कोनी होवै, अर नइ बिकी खाल लटकेड़ी होवै अर नइ बिमै अंय्यां की कोई दुसरी कमी होवै पण पबितर अर बेदाग होवै।

यहून्ना 1:47

ईसु नतनएलनै आपकै कनै आतो देखर बोल्यो, “देखो, ओ सचमई इजरायली ह, जिमै क्युंई कपट कोनी।”

मत्ती 16:23

ईसु पतरस कानि मुड़र बोल्यो, “सेतान! मेरै कनैऊँ चल्योजा, तू मनै अंय्यां करबाऊँ रोकबो चावै ह, क्युं क तू परमेसर की जंय्यां कोनी सोचै पण मिनखा की जंय्यां सोचै ह।”

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

रोमीयो 12:9

थारो परेम सचो होवै। बुराईऊँ बेर करो अर भलाई करता रेह्ओ।

रोमीयो 8:7

काया प मन लगाबो तो परमेसरऊँ बेर बांदबो ह, क्युं क आ नइ तो परमेसर का नियमा प चालै अर नइ कदै चाल सकै।

मत्ती 26:33

जणा पतरस खयो, “चाए सगळा तनै छोडर भाग जावै पण म तनै कोनी छोडूँ।”

इफिसुस 6:24

अर जखा आपणा परबु ईसु मसीऊँ नइ मिटबाळो प्यार-परेम राखै ह, बा सगळा प परमेसर की दया होती रेह्‍वै।

इफिसुस 4:15

पण इकी बजाय आपानै प्यार-परेमऊँ सचाईनै बतार सगळी बाता म मसी म बढणो चाए। आपा बिस्वास्या को सीर मसी ह, जिमै सगळी काया का न्यारा-न्यारा अंग एक सागै जुड़्या रेह्‍वै। आ सगळी काया जोड़ा की मददऊँ एक सागै जुड़री ह। इ ताँई जद काया का अ न्यारा-न्यारा अंग प्यार-परेमऊँ आपको काम करै जणा सगळी काया मजबूती क सागै बढै ह।

गलातियो 5:11

ओ मेरा लाडला बिस्वास्यो, ज म सुन्नत को परचार करतो जणा म क्यु सतायो जातो? ज म सुन्नत करबा की खेतो जणा मसी क सुळी क बारां म जखो समचार म सुणायो हो बि ताँई मनै कोई परेसानी नइ होणी चाए ही।

2 कुरन्थीयो 8:8

आ बात म हुकम देर कोनी खेर्यो पण इ ताँई खेर्यो हूँ क दुसरा मिनखा क खुला हियाऊँ दान देबा की बात सुणर थारै हिया म दुसरा मिनखा ताँई जखो परेम ह बि परेम की सचाई को सबूत द्‍यो।

2 कुरन्थीयो 6:3

म्हें कोई ताँई आखळी कोनी बणा जिऊँ कोईबी म्हारी सेवा प दोस कोनी लगा सकै।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

1 कुरन्थीयो 10:32

थे इ हिसाबऊँ जीओ जिऊँ थे नइ यहूदि मिनखा ताँई, नइ यूनानी मिनखा ताँई अर नइ परमेसर की बिस्वासी मंडळी का मिनखा ताँई आखळी बणो।

1 कुरन्थीयो 8:13

इ ताँई ज खाबो मेरा बिस्वासी भाईनै पाप करबा ताँई उकसावै ह जणा म कदैई मास कोनी खास्युं जिऊँ म मेरा बिस्वासी भाई क सामै पाप की बजै नइ बणू।

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

रोमीयो 7:22

मेरी अन्तर-आत्मा क मांयनै तो म परमेसर का नेम-कायदानै राजी पेटा मानू हूँ।

रोमीयो 7:16

अर ज म बोई करूं हूँ जखो म कोनी करबो चाऊँ जणा म मानू हूँ क नेम-कायदो चोखो ह।

भेजेड़ा चेला का काम 24:16

जणाई तो म बी आई कोसिस करूं हूँ की परमेसर अर मिनखा क सामै मेरी अन्तर-आत्मा साप रेह्‍वै।

यहून्ना 3:20

जखो बुराई करै ह, बो च्यानणाऊँ नफरत राखै ह। अर च्यानणा म कोनी आवै, क्युं क बो डरै ह क बिका करम चोड़ा म नइ आज्यावै।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।