फिलेमोन 1:5 - जीवन को च्यानणो (सेकावाटी नया नियम की पोथ्या)

⁵ क्युं क तू जखो परेम परमेसर का मिनखा ताँई राखै ह, अर जखो बिस्वास तू ईसु मसी म राखै बिकै बारां म, म सुणतो रेह्‍वूं हूँ।

फिलेमोन 1:5 Referans Kwoze

कलुसीयो 1:4

क्युं क थे मसी ईसु प बिस्वास अर सगळा परमेसर का मिनखाऊँ प्यार-परेम राखो हो, आ बाता क बारां म म्हें सुण्या हां।

इफिसुस 1:15

इ ताँई, परबु ईसु प थारा बिस्वास अर परमेसर का मिनखा ताँई थारा प्यार-परेम क बारां म जदऊँ म सुण्यो बि टेमऊँ,

1 कुरन्थीयो 16:1

मेरा भाईड़ो थे बुज्या हा क यहूदिआ म रेह्बाळा परमेसर का मिनखानै भेजबा ताँई जखा रिपीआ थे भेळा कर्या हो बाको काँई करनो ह? म थानै एकई बात ओडाऊँ हूँ बोई करो जखो म गलातिया की बिस्वासी मंडळीनै बोल्यो हो।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

फिलेमोन 1:7

क्युं क मेरा बिस्वासी भाईड़ा, म तेरा प्यार-परेमऊँ बोळो राजी हूँ, अर बिऊँ मनै हिमत मिलै ह। तेरी बजेऊँ परमेसर का मिनखा का हिया राजी हीं।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

रोमीयो 12:13

परमेसर का मिनखा की जुर्ता म बाको सागो द्‍यो, मिजमानी घालबा का मोका ढुंढता रेह्ओ।

भेजेड़ा चेला का काम 20:21

अर म यहूदि अर यूनानी मिनखानै पापऊँ मन फेर'र परमेसर कानि मुड़बा अर परबु ईसु मसी प बिस्वास करबा ताँई खेतो रिह्यो।

1 थिसलूनिकी 3:6

पण तिमूतियूस थारै कनैऊँ पाछो आयोक जणा म्हानै थारै बिस्वास अर प्यार-परेम का चोखा समचार सुणाया। बो म्हानै बतायो क थे सदाई म्हानै प्यार-परेम क सागै याद करो हो, अर जंय्यां म्हारो जी थानै देखबानै करै ह बंय्यांई थारो बी करै ह।