मरकुस 8:6 - जीवन को च्यानणो (सेकावाटी नया नियम की पोथ्या)

⁶ ईसु भीड़नै हुकम दिओ थे पंगत बणार जमीन प बेठ ज्याओ। अर इकै पाछै ईसु बा सात रोट्यानै हात म लेर परमेसरनै धनेवाद देर बा रोट्या का टुक कर-कर आपका चेलानै देतो गयो अर चेला भीड़नै परोसता गया।

मरकुस 8:6 Referans Kwoze

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

रोमीयो 14:6

जखो मिनख कोई दिननै खास दिन मानै ह बो अंय्यां परबुनै आदर देबा ताँई करै ह। अर जखो सक्यु खावै ह बो बी परबुनै मान देबा ताँई खावै ह, क्युं क बे रोटी ताँई परमेसरनै धनेवाद देवीं हीं। जखा क्युंक चिजा कोनी खावीं बे बी अंय्यां परबुनै मान देबा ताँई करीं हीं। अर परमेसरनै धनेवाद देवीं हीं।

यहून्ना 6:23

जणा तिबरिआस नगरीऊँ क्युंक न्यावा बि झघा आई, जठै परबु क धनेवाद देबा क पाछै मिनख रोटी खाई ही।

यहून्ना 2:5

ईसु की माँ नोकर-चाकराऊँ बोली, “जोक्यु बो थानै करबा ताँई बोलै बंय्यांई करज्यो।”

लूका 24:30

अर जद रोटी खाबा बो बाकै सागै चोकी प बेठ्यो जणा रोटी उठार परमेसर को धनेवाद कर्यो अर रोटी तोड़र बानै दिनी।

लूका 12:37

बे दास बडा भागहाळा हीं, जखा मालिकनै चेता म लाधै। अर म सची-सची बोलुँ हूँ, “बो बी आपको गमछो खोलर बानै बिठार रोटी परूससी।

मत्ती 26:26

बे जिमर्याई हा क ईसु रोटी लेर परमेसरनै धनेवाद देर रोटीनै तोड़्यो अर आपका चेलानै आ खेतो रोटी बाटी, “ल्यो आ मेरी काया ह।”

मरकुस 8:5

ईसु बाऊँ बुज्यो, “थारै कनै कत्ती रोट्या ह?” बे बोल्या, “म्हारै कनै सात रोट्या ह।”

मरकुस 8:7

बाकन थोड़ीसिक मछी बी ही ईसु बानै बी लिओ अर परमेसरनै धनेवाद देर चेलानै दिओ अर चेला मिनखानै देता गया।

मरकुस 8:20

“अर जनाड़ै म च्यार झार मिनखानै सात रोट्याऊँ धपायो हो बी दिन थे रोट्याऊँ भरेड़ा कत्ता चोल्या उठाया हा?” बे बोल्या, “सात चोल्या।”