मरकुस 8:21 - जीवन को च्यानणो (सेकावाटी नया नियम की पोथ्या)

²¹ ईसु बाऊँ बोल्यो, “थारै हालबी पलै कोनी पड़ी के?”

मरकुस 8:21 Referans Kwoze

मरकुस 6:52

अर बाकै रोट्या क चमत्कार क बारां म बी कोनी पलै पड़ी क्युं क बाकी मती बंदरी ही।

मरकुस 8:12

ईसु बाकी इ बातनै सुणर आपकी आत्मा म जोरऊँ हूँकार भर'र बाऊँ बोल्यो, “इ पिडी का लोग चमत्कार क्युं माँगै ह? आनै सचमई ईस्बर नगरी की कोई सेलाणी कोनी दिज्यासी।”

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

1 कुरन्थीयो 6:5

थानै सरम आणी चाए! के साच्याई थारै मालो कोई ज्ञानी मिनख कोनी? जखो थारी तू-तू मे-मे को सुळजेटो कर सकै।

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

मरकुस 9:19

ईसु बिकी बात सुणर बोल्यो, “अरै भेम करबाळो मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।”

मरकुस 8:17

ईसु बाकी इ बातनै भापगो अर बाऊँ बोल्यो, “थे आपसरी म अंय्यां क्युं सोचो हो क म्हारै कनै खमिर हाळी रोटी कोनी ह? थारै हालबी क्युंई कोनी पलै पड़ी? थारी मती क्युं बंदगी।

मरकुस 8:22

बे बेतसदा पुग्या अर बठै लोग एक आँदानै ईसु कनै ल्याया अर ईसुऊँ अरदास करता बोल्या बिपै हात धरद्‍यो।