मरकुस 4:6 - जीवन को च्यानणो (सेकावाटी नया नियम की पोथ्या)

⁶ पण सूरज उगताई तावड़ीऊँ बळगा क्युं क बे जड़ कोनी पकड़्या।

मरकुस 4:6 Referans Kwoze

याकूब 1:11

क्युं क सूरज का तावड़ाऊँ घास बळज्यावै अर फूल झड़ज्यावै, जिऊँ बा सोवणी कोनी लागै। अंय्यांई अमीर मिनख बी आपकी भाग-दोड़ म खाली हातई मरज्यावै।

दरसाव 7:16

बानै नइ तो ओज्यु भूख लागसी, अर नइ ओज्यु कदै तिस लागसी। बानै सूरज की तावड़ी बी कोनी बाळसी , अर नइ कोई ओर गरमी बाळसी।

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

2 थिसलूनिकी 2:10

बो इ सक्‍तिनै बा मिनखानै भंगराबा ताँई काम म लेसी जखा नास होबाळा हीं। क्युं क बे छुटकारा करबाळा सचा चोखा समचारनै कोनी मानसी अर खुदनै परमेसरनै कोनी सूपसी जिऊँ क परमेसर बानै बाका पाप की सजाऊँ बचावै।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।

मत्ती 13:6

पण सूरज उगताई तावड़ीऊँ बळगा क्युं क बे जड़ कोनी पकड़्या।

मरकुस 4:5

अर क्युंक बीज कांकरा म पड़्या अर बानै चाए जत्ती माटी कोनी मिली जि बजेऊँ बे तावळाई निपज्या।

मरकुस 4:7

अर क्युंक झाड़्या म जार पड़्या अर झाड़ी बाकै सागै बढर बानै दाब दिनी। जिऊँ बे कोनी फळ्या।