2 क्युंक मिनख ईसु प दोस लगाबा की ताक म बेठ्या हा। बे देखबो चावा हा क ईसु बि मिनखनै अरामहाळा दिन निरोगो करै क कोनी करै।
एक बर यहूदि मिनखा क अरामहाळा दिन ईसु मान्या-थान्या फरिसीया मऊँ एक परधान क घरा रोटी जिमबा गयो, अर बठै लोग बिपै आँख धर्या बेठ्याई हा।
सास्तरी अर फरिसी आँख गाड राखी क बो बिनै अरामहाळा दिन निरोगो करै क कोनी करै। क्युं क बे तो बिपै दोस मंढबा की तक म हा।
अर बे सगळा इ ताक म रेह्बा लागगा की बो कोई गळती करै। बे जासुसानै हक देर बिकै गेल छोड्या। जखा ईमानदारी ताँई जाण्या जाता हा। अर इ आस म की बे ईसुनै बाता म फसार बिऊँ क्युं गळत खुवा देसी। जिऊँ बे बिनै रोमी सरकार क हाता म सूप दिं।
क्युंक फरिसी बोल्या, “जखो मिनख ओ कर्यो ह। बो परमेसर कानिऊँ कोनी हो सकै क्युं क बो अरामहाळा दिन को मान कोनी करै।” पण क्युंक दुसरा बोलबा लाग्या क, “एक पापी मिनख ओ चमत्कार कंय्यां दिखा सकै ह?” इ बात प बामै फूट पड़गी।
बठै एक मिनख हो बिकै एक हात क हवा भेगी ही, बठै क्युंक मिनख हा बे ईसु प दोस लगाबा ताँई बुज्या, “अरामहाळा दिन खिनै निरोगो करबो ठिक ह के?”
ईसु टुंडा मिनखऊँ बोल्यो, “मिनखा क मांय खड़्यो हो।”
बे ईसुनै फसाबा ताँई अंय्यां बुजर्या हा जिऊँ बे बिपै दोस लगा सकै। पण ईसु उकड़ू बेठर जमीन प आँगळीऊँ क्यु मांड्यो।