मरकुस 2:7 - जीवन को च्यानणो (सेकावाटी नया नियम की पोथ्या)

⁷ “ओ मिनख अंय्यां की बात क्युं बोलै ह। ओ तो परमेसर की बुराई करै ह, परमेसर क अलावा किकी मजाल क बो पापनै धो सकै?”

मरकुस 2:7 Referans Kwoze

लूका 5:21

जणा सास्तरी अर फरिसी आपसरी म बुजबा लाग्या क, “ओ पाप धोबाळो कूण होवै ह पाप तो परमेसरई धो सकै ह जणा ओ क्युं परमेसर की बुराई करै ह।”

लूका 7:49

जणा बे जखा ईसु क सागै मिजमानी खार्या हा, बे आपका मन म सोच्या, “ओ कूण ह जखो पापनै बी धोवै ह?”

यहून्ना 10:33

बे बोल्या, “म्हें तेरा चोखा कामा ताँई तेर प भाठा कोनी बगावां, पण तू मिनख होर खुदनै परमेसर बतार परमेसर की बुराई करै ह।”

मरकुस 14:64

थे खुदई इका मुंडाऊँ परमेसर की बुराई सुण लिआ हो इब थे काँई चाओ हो?” अर बे सगळा बोल्या, “इनै मार देणो चाए।”

मत्ती 26:65

म्हायाजक बिकी आ बात सुणर आपका गाबल्या पाड़र खयो, “इब ओर गुवा की जुर्त कोनी ह। ओ अंय्यां खेर परमेसर की बुराई करै ह अर थे सगळा इकी बाता सुण्या हो।

मत्ती 9:3

जणा क्युंक सास्तरानै सीखाबाळा यहूदि मिनख आपसरी म बतळाबा लाग्या, “ओ अंय्यां बोलर परमेसर की बुराई करै ह।”

यहून्ना 10:36

जद म अंय्यां खयो क म परमेसर को बेटो हूँ, जणा थे क्युं खया म परमेसर की बुराई करूं हूँ। मनै टाळर इ जगत म भेजबाळो परम-पिताई तो ह।

मरकुस 2:6

बि बठै सास्तरानै सीखाबाळा बी बेठ्या हा। बे आप-आपका हिया म सोचबा लाग्या,

मरकुस 2:8

ईसु आपकी आत्मा म जाणगो क बे आपका हिया म काँई सोचर्या हीं। अर बो बाऊँ बोल्यो, “थे थारा हिया म ओ काँई सोचर्या हो।