मरकुस 2:12 - जीवन को च्यानणो (सेकावाटी नया नियम की पोथ्या)

¹² अर बो खड़्यो होर तावळोसो आपहाळी खाटलीनै उठार सगळा की आँख्या क आगैई चलेगो। अंय्यां को काम देखर बाकै ताजूब होयो अर बे आ बोलर परमेसर की जे-जैकार करी क, “म्हें अंय्यां को कार कदैई कोनी देख्या।”

मरकुस 2:12 Referans Kwoze

मत्ती 9:33

अर जद बिकै मांयनैऊँ बी ओपरी बलायनै काड दिनी जणा बो मिनख बोलबा लाग्यो, जणा बठै भीड़ ही जखी ताजूब कर खेबा लागी, “म्हें इजरायल म अंय्यां को काम पेली कदैई कोनी देख्यो।”

मत्ती 9:8

लोग आ देखर डरग्या। बे परमेसर की जे-जैकार करबा लाग्या क बे मिनखनै ताजूब का काम करबा को हक दिओ ह।

लूका 7:16

आ बातानै देख बे सगळा मिनख डरग्या अर ईस्बर को गुणगान गाबा लागगा। बे कह्या, “आपणै मांयनै एक बडो परमेसर की खेबाळो परगट होयो ह। परमेसर आपका मिनखानै बचाबा आयो ह।”

भेजेड़ा चेला का काम 4:21

जणा पंच बानै सूल चेतार छोड दिआ, अर बानै सजा देबा को गेलो कोनी लाध्यो, क्युं क जोक्यु होयो हो बिकी बजेऊँ लोग परमेसर को गुणगान गार्या हा।

यहून्ना 9:32

इ सरस्टि की सरूआतऊँ कदैई सुणबा म कोनी आयो क, कोई जलम का आँदानै आँख्या दि।

यहून्ना 7:31

भीड़ मऊँ बोळाजणा बिपै बिस्वास कर्या अर बोल्या, “ओ मसी ह , जणाई तो बडा-बडा चमत्कार दिखाया हीं। कोई दुसरो अंय्यां का चमत्कार दिखा सकै ह के?”

लूका 17:15

जणा बामैऊँ एक जणो आ देखर की म निरोगो होगो हूँ। बो परमेसर को जोरऊँ गुणगान गातो पाछो आयो।

लूका 13:13

अत्तो खेर बो बिका माथा प आपको हात धर्यो। अर धरताई बा सिदी होगी अर नाचती गाती परमेसर को गुणगान गाबा लागगी।

लूका 5:26

आ देखर सगळा धोळा होगा अर परमेसर की जे-जैकार करबा लागगा। अर डरता-डरता बोल्या, “आज तो म्हें अनोरीई बात देखी ह।”

मरकुस 1:27

इ बातऊँ सगळा मिनख चोरंगा होगा। अर आपसरी म बुजबा लाग्या, “आ बेधड़क सीखाबाळी नई सीख काँई ह? अर ओ सूगली ओपरी बलायनै बी अधिकार क सागै ओडावै ह, अर बे इको खयो मानै ह।”

मत्ती 15:31

लंगड़ा-लुला चालै लाग्या, बैरा सुणबा लाग्या, गुँगा बोलबा लाग्या अर आँदा देखबा लाग्या। आ कामानै देखर बे सगळा मिनख ताजूब कर्या अर इजरायल का परमेसर की जे-जैकार करी।

मत्ती 12:23

लोग इनै देखर ताजूब म पड़गा अर खेबा लाग्या क, “ओ दाऊद को बेटा मसी ह?”

मरकुस 2:11

“म तनै बोलुँ हूँ खड़्यो होर तेरी गुद्ड़ी लेर तेरै घरा चल्यो जा।”