मरकुस 16:9 - जीवन को च्यानणो (सेकावाटी नया नियम की पोथ्या)

⁹ ईसु जिंदो होबा क पाछै सपता का पेला दिन दितबारनै, मरीयम मगदलिनी जिमैऊँ ईसु सात ओपरी बलाय काडी ही बिनै दिख्यो।

मरकुस 16:9 Referans Kwoze

लूका 8:2

अर बिनै मानबाळी क्युंक लूगाया बी बिकै सागै ही, जानै बो ओपरी बलाय अर बिमारीऊँ छुटायो हो, बामैऊँ एक लूगाई ही जिको नाम मरीयम मगदलिनी हो जिमैऊँ बो सात ओपरी बलाय काडी।

यहून्ना 20:12

जणा बिनै जठै ईसु की लास पड़ी ही बठै दो ईस्बर नगरी दुत भळका मारता गाबा पेर्या दिख्या। एक तो सीराणै हो अर दुसरो पगात्या बेठ्यो हो।

मरकुस 15:47

मरीयम मगदलिनी अर युसूफ की माँ मरीयम देखै ही क बो ईसु की लासनै कठै धरर्यो ह।

लूका 24:10

अ बाता बताबाळी लूगाया म मरीयम मगदलिनी, योअन्ना अर याकूब की माँ मरीयम अर ओर बी ही जखी बा चेलानै जखा भेजेड़ा चेला खुवाता हा अ बाता बतारी ही।

मत्ती 27:56

बा लूगाया म मरीयम मगदलिनी, याकूब अर युसूफ की माँ मरीयम अर याकूब अर यहून्ना की माँ ही।

मरकुस 15:40

बठै लूगाया बी ही बे ईसुनै दूरऊँ खड़ी-खड़ी देखै ही बा लूगाया म मरीयम मगदलिनी, छोटक्यो याकूब अर युसूफ की माँ मरीयम अर सलोमी ही।

दरसाव 1:10

अरामहाळा दिन म परबु की जे-जैकार करर्यो हो जणा म पबितर आत्माऊँ भरगो अर म मेरै गेलनै नरसिंगा की उवाज सुणी ,

1 कुरन्थीयो 16:2

अर जद बी सपता को पेलो दिन दितबार आवै, थे थारी कमाई मऊँ थोड़ो भोत न्यारो टाळता रेहज्यो जिऊँ म जदबी आऊँ थानै दान भेळो करबो नइ पड़ै।

भेजेड़ा चेला का काम 20:7

सपता का पेला दिन दितबारनै, म्हें एक सागै परबु की याद म रोटी खाबा ताँई भेळा होया। पोलुस जखो दुसरा दिन बठैऊँ जाबाळो हो बो बाऊँ बाता करी अर आदी रात ताँई बो बाऊँ बतळातो रिह्यो।

मरकुस 16:8

अर बे डरगी अर ताजूब करतीई कबरऊँ भागर निकळी, अर बे कोईनैई क्युंई कोनी बतायो क्युं क बे सचमई डरगी ही।