मरकुस 13:9 - जीवन को च्यानणो (सेकावाटी नया नियम की पोथ्या)

⁹ पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।

मरकुस 13:9 Referans Kwoze

यहून्ना 16:2

थे अरदास करबाळी झघाऊँ काड्या जास्यो अर बो टेम आसी जद थानै मारबाळा सोचसी क थानै मार'र बे परमेसर की सेवा करीं हीं।

मरकुस 13:5

ईसु बानै बोल्यो, “थे समळर रेहज्यो थारै सागै कोई छळ नइ करज्या।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

2 थिसलूनिकी 1:5

अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

फलिपी 1:29

क्युं क मसी प बिस्वास करबा को सोभागई नइ पण बि ताँई दुख उठाबा को बी सोभाग थानै दियड़ो ह;

भेजेड़ा चेला का काम 21:11

बो म्हारै कनै आर पोलुस को कमर बांदबा को पट्टो लेर बिऊँ आपका हात पगानै बांद लिओ अर खेबा लाग्यो, “जिको ओ कमर पट्टो ह बिनै यरूसलेम म यहूदि मिनख अंय्यांई बांदसी अर बिनै परमेसरनै नइ ध्यारबाळा मिनखा क हाता म सूपसी आ बात मनै पबितर आत्मा बतावै ह।”

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

भेजेड़ा चेला का काम 7:54

अ बाता सुणताई बे सतफनुस प लाल-ताता होगा, अर आँख्या का'डर जाड़ भीचबा लागगा।

यहून्ना 15:20

जोक्यु बी म थानै बोल्यो हूँ बिनै ध्यान म राखज्यो, ‘दास आपका मालिकऊँ बडो कोनी होवै।’ ज मिनख मनै दिन घाल सकै ह, जणा थानै बी दिन घालसी, अर ज बे मेरी सुणै जणा थारी बी सुणसी।

लूका 9:5

अर जि जठै थारी सुणाई कोनी होवैक जणा बठै का मिनखानै चेताबा ताँई थारा पगा की धूळ झाड़ दिज्यो।”

मरकुस 6:11

अर कोई गाँव अर नगरी म थारी आवभगत नइ होवै जणा थे बि नगरी अर गाँवऊँ बारनै चल्या जाओ अर बाकै खिलाप बानै चेताबा ताँई थे थारै पगा की धूळ बी बठैई झाड़ दिज्यो।”

मत्ती 5:22

पण म थारूँ खेऊँ हूँ क ज कोई मिनख कोई पाड़ोसी भाईड़ा प झाळ काडै बिको न्याय होसी। अर ज कोई मिनख कोईकी बेजती करै बिको न्याय पंचायत करसी; अर ज कोई मिनख कोईनै बावळो खेवै बिनै परमेसर नरक की आग म गेरसी।

मरकुस 13:8

अर जात्या-जात्या प अर देस-देस प चढाई करसी। अर कठै-कठै तो भूचाळ आसी अर काळ पड़सी अर अ सगळी बाता हाल तो जच्चा क सरूका उठबाळा दरद जंय्यां की ह।

2 यहून्ना 1:8

इ ताँई थे खुद समळर रेहज्यो जिऊँ थे बिनै जिकै ताँई म्हें बोळी मेनत कर्या हा गुमा नइ द्‍यो पण पूरो-पूरो इनाम पाओ।